ḳhayāl-e-dost na maiñ yād-e-yār meñ gum huuñ
ḳhud apnī fikr-o-nazar kī bahār meñ gum huuñ
ḳhushī se jabr-zada iḳhtiyār meñ gum huuñ
ajiib dilkashī-e-nāgavār meñ gum huuñ
ḳhud apnī yād-e-farāmosh-kār meñ gum huuñ
bahāna ye hai tire intizār meñ gum huuñ
na mohtasib kī ḳhushāmad na mai-kade kā tavāf
ḳhudī meñ mast huuñ apnī bahār meñ gum huuñ
tirā jamāl bhī dekhūñgā vaqt aane de
abhī to apne hī ā.īna-zār meñ gum huuñ
tū hī pukār mirā naam le ke ai ġham-e-ishq
paḌā hai vaqt ġham-e-rozgār meñ gum huuñ
na shaam kī hai ḳhabar aur na sub.h kī pahchān
'sirāj' gardish-e-lail-o-nahār meñ gum huuñ
KHayal-e-dost na main yaad-e-yar mein gum hun
KHud apni fikr-o-nazar ki bahaar mein gum hun
KHushi se jabr-zada iKHtiyar mein gum hun
ajib dilkashi-e-nagawar mein gum hun
KHud apni yaad-e-faramosh-kar mein gum hun
bahana ye hai tere intizar mein gum hun
na mohtasib ki KHushamad na mai-kade ka tawaf
KHudi mein mast hun apni bahaar mein gum hun
tera jamal bhi dekhunga waqt aane de
abhi to apne hi aaina-zar mein gum hun
tu hi pukar mera nam le ke ai gham-e-ishq
paDa hai waqt gham-e-rozgar mein gum hun
na sham ki hai KHabar aur na subh ki pahchan
'siraj' gardish-e-lail-o-nahaar mein gum hun
Source:
Shola-e-Aawaz (Pg. e-191 p-190)
-
Author:
Siraj Lakhnavi
-
- Edition: 1920
- Publisher: Nizami Press, Lucknow
- Year of Publication: 1920
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.