kis ko milne ka uske chaw nahin

kis ko milne kā us ke chaav nahīñ

kis ko us shoḳh se lagāo nahīñ

kaun sā dil hai vo ki jis dil meñ

us ke tīr-e-nigah kā ghaav nahīñ

mus.haf-e-ruḳh pe kyūñki Thahre nazar

is meñ mutlaq koī rahāv nahīñ

dil thā apnā diyā jise chāhā

kuchh kisī kā hameñ dabāo nahīñ

ahl-e-ġhairat ko nān-e-ḳhushk apnī

ba-ḳhudā kuchh kam az polāv nahīñ

bas kahā maano aao hazrat-e-dil

jhūTe vā'doñ pe us ke jaao nahīñ

qaul hai ahl-e-tajraba kā yahī

āzmā.e ko āzmāo nahīñ

ātish-e-ġham meñ terī furqat ne

dil ko kis din diyā tapāv nahīñ

us ke ruḳh kī vo āb-o-tāb hai 'aish'

mah-o-ḳhurshīd jis ke paav nahīñ

kis ko milne ka us ke chaw nahin

kis ko us shoKH se lagao nahin

kaun sa dil hai wo ki jis dil mein

us ke tir-e-nigah ka ghaw nahin

mushaf-e-ruKH pe kyunki Thahre nazar

is mein mutlaq koi rahaw nahin

dil tha apna diya jise chaha

kuchh kisi ka hamein dabao nahin

ahl-e-ghairat ko nan-e-KHushk apni

ba-KHuda kuchh kam az polaw nahin

bas kaha mano aao hazrat-e-dil

jhuTe wa'don pe us ke jao nahin

qaul hai ahl-e-tajraba ka yahi

aazmae ko aazmao nahin

aatish-e-gham mein teri furqat ne

dil ko kis din diya tapaw nahin

us ke ruKH ki wo aab-o-tab hai 'aish'

mah-o-KHurshid jis ke paw nahin