aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kiya bagh-e-jahan mein nam un ka sarw kah kah kar

Waliullah Muhib

kiya bagh-e-jahan mein nam un ka sarw kah kah kar

Waliullah Muhib

MORE BYWaliullah Muhib

    kiyā bāġh-e-jahāñ meñ naam un sarv kah kah kar

    ka.ī aaheñ jo niklī thiiñ mire siine se rah rah kar

    sahāb-o-barq haiñ shīsha-o-sāġhar haiñ kyā ham tum

    ki ham jis vaqt roveñ tum hañso us vaqt qah qah kar

    hamārā girya dekhe chashm-e-kam se kyuuñ na dariyā ko

    samundar se ka.ī jaate haiñ yaañ ik pal meñ bah bah kar

    hue jis gul ke ham chāh-e-zaqan meñ ġharq kar deñge

    mire yak qatra-e-shabnam meñ bulbul Duub chah chah kar

    dhamak vo aah ke na.are apne hai ki gardūñ se

    sitāre TuuTe paḌte haiñ kueñ jaate haiñ dah dah kar

    barā-e-imtihāñ ushshāq par teġhe chalātā hai

    jo zaḳhmī ho ke girte haiñ to rah jaatā hai dah dah kar

    dilā kūche se us ke aaj agar ḳhair se aayā

    yahī din kal bhī hai dar-pesh sheḳhī se na pah pah kar

    namāz-e-shaiḳh ho itmām kyūñkar sarqa dushman hai

    ki TuuTe hai vuzū har baar jab khāte haiñ ah ah kar

    imārat to Dahe phir ban sake hai par tire hāthoñ

    hue haiñ ḳhaak kyā kyā qasr-e-dil ai shoḳh Dhah Dhah kar

    na ho ruḳh se tire ai aah faujoñ muqābil ruḳh

    kiyā ne savāroñ ko piyāda maat shah shah kar

    lab-e-bām aa ke abrū jhamak din sulh ke dikhlā

    ki aalim dekhne ko shahar dauḌe hai mah mah kar

    zamīñ meñ gaḌ ga.e dekh us qad-e-ra.anā ko ḳhajlat se

    lab-e-jū par akaḌte the khaḌe kyā sarv lah lah kar

    vafā.eñ roz-e-avval se mirī tujh ko na ḳhush aa.iiñ

    jafā meñ maiñ terī āḳhir huā bhar umr sah sah kar

    idhar to jāma-chīn khole hai us gul-rū ke dāman ko

    udhar bulbul rakhe hai raḳht-e-gul ḳhajlat se tah tah kar

    laḌātā hai agar aġhyār se roz-o-shab āñkheñ

    'muhib' apne par ai zālim nigāh-e-lutf gah gah kar

    kiya bagh-e-jahan mein nam un ka sarw kah kah kar

    kai aahen jo nikli thin mere sine se rah rah kar

    sahab-o-barq hain ya shisha-o-saghar hain kya hum tum

    ki hum jis waqt rowen tum hanso us waqt qah qah kar

    hamara girya dekhe chashm-e-kam se kyun na dariya ko

    samundar se kai jate hain yan ek pal mein bah bah kar

    hue jis gul ke hum chah-e-zaqan mein gharq kar denge

    mere yak qatra-e-shabnam mein bulbul Dub chah chah kar

    dhamak wo aah ke nare ki apne hai ki gardun se

    sitare TuTe paDte hain kuen jate hain dah dah kar

    bara-e-imtihan ushshaq par teghe chalata hai

    jo zaKHmi ho ke girte hain to rah jata hai dah dah kar

    dila kuche se us ke aaj agar tu KHair se aaya

    yahi din kal bhi hai dar-pesh sheKHi se na pah pah kar

    namaz-e-shaiKH ho itmam kyunkar sarqa dushman hai

    ki TuTe hai wuzu har bar jab khate hain ah ah kar

    imarat to Dahe phir ban sake hai par tere hathon

    hue hain KHak kya kya qasr-e-dil ai shoKH Dhah Dhah kar

    na ho ruKH se tere ai aah faujon ka muqabil ruKH

    kiya tu ne sawaron ko piyaada mat shah shah kar

    lab-e-baam aa ke abru ki jhamak din sulh ke dikhla

    ki aalim dekhne ko shahar ka dauDe hai mah mah kar

    zamin mein gaD gae dekh us qad-e-rana ko KHajlat se

    lab-e-ju par akaDte the khaDe kya sarw lah lah kar

    wafaen roz-e-awwal se meri tujh ko na KHush aain

    jafa mein main teri aaKHir hua bhar umr sah sah kar

    idhar to jama-chin khole hai us gul-ru ke daman ko

    udhar bulbul rakhe hai raKHt-e-gul KHajlat se tah tah kar

    laData hai agar aghyar se tu roz-o-shab aankhen

    'muhib' apne par ai zalim nigah-e-lutf gah gah kar

    Source:

    Deewan-e-Waleeullah Muhib (Pg. e-171 p-170)

    • Author: Waliullah Muhib
      • Edition: 1999
      • Publisher: Sangat Publishers, Lahore
      • Year of Publication: 1999
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now