kuchh faisla to ho ki kidhar jaana chahiye
kuchh faisla to ho ki kidhar jaanā chāhiye
paanī ko ab to sar se guzar jaanā chāhiye
nashtar-ba-dast shahr se chāragarī kī lau
ai zaḳhm-e-be-kasī tujhe bhar jaanā chāhiye
har baar eḌiyoñ pe girā hai mirā lahū
maqtal meñ ab ba-tarz-e-digar jaanā chāhiye
kyā chal sakeñge jin kā faqat mas.ala ye hai
jaane se pahle raḳht-e-safar jaanā chāhiye
saarā jvār-bhāTā mire dil meñ hai magar
ilzām ye bhī chāñd ke sar jaanā chāhiye
jab bhī ga.e azāb-e-dar-o-bām thā vahī
āḳhir ko kitnī der se ghar jaanā chāhiye
tohmat lagā ke maañ pe jo dushman se daad le
aise suḳhan-farosh ko mar jaanā chāhiye
kuchh faisla to ho ki kidhar jaana chahiye
pani ko ab to sar se guzar jaana chahiye
nashtar-ba-dast shahr se chaaragari ki lau
ai zaKHm-e-be-kasi tujhe bhar jaana chahiye
har bar eDiyon pe gira hai mera lahu
maqtal mein ab ba-tarz-e-digar jaana chahiye
kya chal sakenge jin ka faqat masala ye hai
jaane se pahle raKHt-e-safar jaana chahiye
sara jwar-bhaTa mere dil mein hai magar
ilzam ye bhi chand ke sar jaana chahiye
jab bhi gae azab-e-dar-o-baam tha wahi
aaKHir ko kitni der se ghar jaana chahiye
tohmat laga ke man pe jo dushman se dad le
aise suKHan-farosh ko mar jaana chahiye
Source:
kulliyaat-e-maahe tamaam(khud kalaamii) (Pg. 180)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
