maut se kab najat hai pyare

maut se kab najāt hai pyāre

zindagī ko ye maat hai pyāre

jis ne samjhā vo miir ho gayā hai

aa.ina kā.enāt hai pyāre

roz chehre badal ke ḳhush hai tū

ye to ḳhud se hī ghaat hai pyāre

tū jinheñ shūrvīr samjhe hai

buz-diloñ kī ye zaat hai pyāre

itnā āsāñ nahīñ ġhazal kahnā

'mīr' 'ġhālib' kī zaat hai pyāre

terā kirdār aa.ina ho jaa.e

bas yahī to sabāt hai pyāre

Duub jā ishq ke samundar meñ

dekh phir kaun saath hai pyāre

koī maqsad na koī manzil ho

zindagī kyā mamāt hai pyāre

maut se kab najat hai pyare

zindagi ko ye mat hai pyare

jis ne samjha wo mir ho gaya hai

aaina kaenat hai pyare

roz chehre badal ke KHush hai tu

ye to KHud se hi ghat hai pyare

tu jinhen shurwir samjhe hai

buz-dilon ki ye zat hai pyare

itna aasan nahin ghazal kahna

'mir' 'ghaalib' ki zat hai pyare

tera kirdar aaina ho jae

bas yahi to sabaat hai pyare

Dub ja ishq ke samundar mein

dekh phir kaun sath hai pyare

koi maqsad na koi manzil ho

zindagi kya mamat hai pyare