taron bhari palkon ki barsai hui ghazlen

Bashir Badr

taron bhari palkon ki barsai hui ghazlen

Bashir Badr

MORE BYBashir Badr

    tāroñ bharī palkoñ barsā.ī huī ġhazleñ

    hai kaun piro.e jo bikhrā.ī huī ġhazleñ

    vo lab haiñ ki do misre aur donoñ barābar ke

    zulfeñ ki dil-e-shā.ir par chhā.ī huī ġhazleñ

    ye phuul haiñ sheroñ ne sūrateñ paa.ī haiñ

    shāḳheñ haiñ ki shabnam meñ nahlā.ī huī ġhazleñ

    ḳhud apnī aahaT par chauñke huuñ hiran jaise

    yuuñ raah meñ miltī haiñ ghabrā.ī huī ġhazleñ

    in lafzoñ chādar ko sarkāo to dekhoge

    ehsās ke ghuñghaT meñ sharmā.ī huī ġhazleñ

    us jān-e-taġhazzul ne jab bhī kahā kuchh kahiye

    maiñ bhuul gayā aksar yaad aa.ī huī ġhazleñ

    taron bhari palkon ki barsai hui ghazlen

    hai kaun piroe jo bikhrai hui ghazlen

    wo lab hain ki do misre aur donon barabar ke

    zulfen ki dil-e-shair par chhai hui ghazlen

    ye phul hain ya sheron ne suraten pai hain

    shaKHen hain ki shabnam mein nahlai hui ghazlen

    KHud apni hi aahaT par chaunke hun hiran jaise

    yun rah mein milti hain ghabrai hui ghazlen

    in lafzon ki chadar ko sarkao to dekhoge

    ehsas ke ghunghaT mein sharmai hui ghazlen

    us jaan-e-taghazzul ne jab bhi kaha kuchh kahiye

    main bhul gaya aksar yaad aai hui ghazlen

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now