daman-e-koh mein jo mein DaDh mar roya

dāmān-e-koh meñ jo meñ DaaḌh maar royā

ik abr vaañ se uTh kar be-iḳhtiyār royā

paḌtā na thā bharosā ahd-e-vafā-e-gul par

murġh-e-chaman na samjhā maiñ to hazār royā

har gul zamīn yaañ kī rone hī kī jagah thī

mānind-e-abr har jā maiñ zaar zaar royā

thī maslahat ki ruk kar hijrāñ meñ jaan diije

dil khol kar na ġham meñ maiñ ek baar royā

ik ijz ishq is kā asbāb-e-sad-alam thā

kal 'mīr' se bahut maiñ ho kar do-chār royā

daman-e-koh mein jo mein DaDh mar roya

ek abr wan se uTh kar be-iKHtiyar roya

paDta na tha bharosa ahd-e-wafa-e-gul par

murgh-e-chaman na samjha main to hazar roya

har gul zamin yan ki rone hi ki jagah thi

manind-e-abr har ja main zar zar roya

thi maslahat ki ruk kar hijran mein jaan dije

dil khol kar na gham mein main ek bar roya

ek ijz ishq is ka asbab-e-sad-alam tha

kal 'mir' se bahut main ho kar do-chaar roya