meri basti mein jitni laDkiyan hain

mirī bastī meñ jitnī laḌkiyāñ haiñ

ḳhudā kā shukr parde vāliyāñ haiñ

maiñ insāñ huuñ farishta to nahīñ huuñ

so mujh meñ bhī yaqīnan ḳhāmiyāñ haiñ

tumhāre bin merī hālat hai aisī

binā paanī ke jaisī kashtiyāñ haiñ

chaleñ socheñ zarā is mas.ale par

hamāre darmiyāñ kyoñ dūriyāñ haiñ

maiñ ḳhud ko kyoñ bhalā samjhūñgā tanhā

mirī hamdam mirī tanhā.iyāñ haiñ

kabhī logoñ ke chehre bhī paḌhā kar

raqam chehroñ pe bhī sachchā.iyāñ haiñ

hamāre apne bhī haiñ ajnabī se

hamārī jab se ḳhālī jholiyāñ haiñ

hamāre des meñ me.ār-e-izzat

nahīñ insāniyat bas kursiyāñ haiñ

marī vaale bhī aate haiñ yahāñ par

ki baltistāñ meñ aisī vādiyāñ haiñ

ḳhayānat mat karo ḳhāk-e-vatan se

ki tere tan pe ḳhākī vardiyāñ haiñ

chhapī hai in meñ zālim kī tabāhī

lab-e-mazlūm par jo siskiyāñ haiñ

ise kahte haiñ phūloñ se mohabbat

hamesha gulsitāñ meñ titliyāñ haiñ

na ghūro raah chaltī laḌkiyoñ ko

tumhāre ghar meñ bhī to beTiyāñ haiñ

vo jin ko dekh kar rab yaad aa.e

jahāñ meñ aisī bhī kuchh hastiyāñ haiñ

uThā laa.e to ho tum sīpiyoñ ko

muzayyan motiyoñ se sīpiyāñ haiñ

na ghabrānā ai 'nūrī' mushkiloñ se

ki mushkil meñ chhupī āsāniyāñ haiñ

meri basti mein jitni laDkiyan hain

KHuda ka shukr parde waliyan hain

main insan hun farishta to nahin hun

so mujh mein bhi yaqinan KHamiyan hain

tumhaare bin meri haalat hai aisi

bina pani ke jaisi kashtiyan hain

chalen sochen zara is masale par

hamare darmiyan kyon duriyan hain

main KHud ko kyon bhala samjhunga tanha

meri hamdam meri tanhaiyan hain

kabhi logon ke chehre bhi paDha kar

raqam chehron pe bhi sachchaiyan hain

hamare apne bhi hain ajnabi se

hamari jab se KHali jholiyan hain

hamare des mein mear-e-izzat

nahin insaniyat bas kursiyan hain

mari wale bhi aate hain yahan par

ki baltistan mein aisi wadiyan hain

KHayanat mat karo KHak-e-watan se

ki tere tan pe KHaki wardiyan hain

chhapi hai in mein zalim ki tabahi

lab-e-mazlum par jo siskiyan hain

ise kahte hain phulon se mohabbat

hamesha gulsitan mein titliyan hain

na ghuro rah chalti laDkiyon ko

tumhaare ghar mein bhi to beTiyan hain

wo jin ko dekh kar rab yaad aae

jahan mein aisi bhi kuchh hastiyan hain

uTha lae to ho tum sipiyon ko

muzayyan motiyon se sipiyan hain

na ghabrana ai 'nuri' mushkilon se

ki mushkil mein chhupi aasaniyan hain