miyan-e-kar-e-duniya humse dil nashad kya karte

miyān-e-kār-e-duniyā ham se dil nāshād kyā karte

hameñ vo yaad kab aayā use ham yaad kyā karte

agar pahchān apnī ik dil-e-vīrān hai to phir

vo ham ko shaad kyā aur ham use ābād kyā karte

hameñ jaldī bahut thī ishq meñ barbād hone kī

so pesh-o-pas meñ paḌ ke vaqt ko barbād kyā karte

bhalā ye āh-o-zārī sho.abada-bāzoñ ke bas kī hai

fuġhāñ e.ajāz hotī hai fuġhāñ ījād kyā karte

agar ham sarf ho jaate kahīñ fariyād kī lai meñ

to bas lai-kār ho sakte the ham fariyād kyā karte

miyan-e-kar-e-duniya hum se dil nashad kya karte

hamein wo yaad kab aaya use hum yaad kya karte

agar pahchan apni ek dil-e-viran hai to phir

wo hum ko shad kya aur hum use aabaad kya karte

hamein jaldi bahut thi ishq mein barbaad hone ki

so pesh-o-pas mein paD ke waqt ko barbaad kya karte

bhala ye aah-o-zari shoabada-bazon ke bas ki hai

fughan eajaz hoti hai fughan ijad kya karte

agar hum sarf ho jate kahin fariyaad ki lai mein

to bas lai-kar ho sakte the hum fariyaad kya karte