mujhe apni pasti ki sharm hai teri rifaton ka KHayal hai

Akhtar Shirani

mujhe apni pasti ki sharm hai teri rifaton ka KHayal hai

Akhtar Shirani

MORE BYAkhtar Shirani

    mujhe apnī pastī sharm hai tirī rif.atoñ ḳhayāl hai

    magar apne dil ko maiñ kyā karūñ use phir bhī shauq-e-visāl hai

    is adā se kaun ye jalva-gar sar-e-bazm-e-husn-e-ḳhayāl hai

    jo nafas hai mast-e-bahār hai jo nazar hai ġharq-e-jamāl hai

    unheñ zid hai arz-e-visāl se mujhe shauq-e-arz-e-visāl hai

    vahī ab bhī un javāb hai vahī ab bhī merā savāl hai

    tirī yaad meñ huā jab se gum tire gum-shuda ye haal hai

    ki na duur hai na qarīb hai na firāq hai na visāl hai

    tirī bazm-e-ḳhalvat-e-lā-makāñ tirā āstāñ mah-o-kahkashāñ

    magar ai sitāra-e-ārzū mujhe ārzū-e-visāl hai

    maiñ vatan meñ rah ke bhī be-vatan ki nahīñ hai ek bhī ham-suḳhan

    hai koī sharīk-e-ġham-o-mehan to vo ik nasīm-e-shumāl hai

    maiñ batā.ūñ vā.iz-e-ḳhush-navā hai jahān-o-ḳhuld meñ farq kyā

    ye agar fareb-e-ḳhayāl hai vo fareb-e-husn-e-ḳhayāl hai

    yahī dād-e-qissa-e-ġham milī ki nazar uThī na zabāñ milī

    faqat ik tabassum-e-sharmagī mirī be-kasī ma.aal hai

    vo ḳhushī nahīñ hai vo dil nahīñ magar un saaya ham-nashīñ

    faqat ek ġham-zada yaad hai faqat ik fasurda ḳhayāl hai

    kahīñ kis se 'aḳhtar'-e-be-navā hameñ bazm-e-dahr se kyā milā

    vahī ek sāġhar-e-zahr-e-ġham jo harīf-e-nosh-e-kamāl hai

    mujhe apni pasti ki sharm hai teri rifaton ka KHayal hai

    magar apne dil ko main kya karun use phir bhi shauq-e-visal hai

    is ada se kaun ye jalwa-gar sar-e-bazm-e-husn-e-KHayal hai

    jo nafas hai mast-e-bahaar hai jo nazar hai gharq-e-jamal hai

    unhen zid hai arz-e-visal se mujhe shauq-e-arz-e-visal hai

    wahi ab bhi un ka jawab hai wahi ab bhi mera sawal hai

    teri yaad mein hua jab se gum tere gum-shuda ka ye haal hai

    ki na dur hai na qarib hai na firaq hai na visal hai

    teri bazm-e-KHalwat-e-la-makan tera aastan mah-o-kahkashan

    magar ai sitara-e-arzu mujhe aarzu-e-visal hai

    main watan mein rah ke bhi be-watan ki nahin hai ek bhi ham-suKHan

    hai koi sharik-e-gham-o-mehan to wo ek nasim-e-shumal hai

    main bataun waiz-e-KHush-nawa hai jahan-o-KHuld mein farq kya

    ye agar fareb-e-KHayal hai wo fareb-e-husn-e-KHayal hai

    yahi dad-e-qissa-e-gham mili ki nazar uThi na zaban mili

    faqat ek tabassum-e-sharmagi meri be-kasi ka maal hai

    wo KHushi nahin hai wo dil nahin magar un ka saya sa ham-nashin

    faqat ek gham-zada yaad hai faqat ek fasurda KHayal hai

    kahin kis se 'aKHtar'-e-be-nawa hamein bazm-e-dahr se kya mila

    wahi ek saghar-e-zahr-e-gham jo harif-e-nosh-e-kamal hai

    Source:

    • Book : Kulliyat-e-Akhtar Shirani (Pg. 223)
    • Author : Akhtar Shirani
    • Publication : Modern Publishing House, Daryaganj New delhi (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY