na furaat-o-dajla pe naz kar na fareb-e-gang-o-jaman mein aa

Arsh Malsiyani

na furaat-o-dajla pe naz kar na fareb-e-gang-o-jaman mein aa

Arsh Malsiyani

MORE BYArsh Malsiyani

    na furāt-o-dajla pe naaz kar na fareb-e-gañg-o-jaman meñ aa

    ye jahān sab hai tirā vatan kidhar hai apne vatan meñ aa

    hai rañg-e-nargis-o-nastaran hai tujhī se raunaq-e-anjuman

    tire muntazir haiñ gul-o-saman to bahār ban ke chaman meñ aa

    tujhe laakh log hasīñ kaheñ tujh laakh durr-e-samīñ kaheñ

    tirī qadr hogī faqat yahīñ to harīm-e-dil ke adn meñ aa

    jo ḳhayāl-e-ḳhuld meñ ho magan mai-o-añgbīñ meñ ho jis man

    jo vatan meñ rah ke ho be-vatan use kyā kahūñ ki vatan meñ aa

    ye bahār-e-bāġh ye mahfileñ tirī ḳhalvatoñ pe nisār hoñ

    tujhe kaam ġhuncha-o-gul se kyā chaman ko chhoḌ ke ban meñ aa

    rah-o-rasm-e-ishq pe rakh nazar ho jahān-e-nau payāmbar

    na to ahd-e-rafta ko yaad kar na fareb-e-charḳh-e-kuhan meñ aa

    ye khulā na ham pe ki kahāñ mai-e-sher ke nikal gayā

    tujhe yaad karte haiñ 'arsh' sab kabhī phir bhī bazm-e-suḳhan meñ aa

    na furaat-o-dajla pe naz kar na fareb-e-gang-o-jaman mein aa

    ye jahan sab hai tera watan tu kidhar hai apne watan mein aa

    tu hai rang-e-nargis-o-nastaran hai tujhi se raunaq-e-anjuman

    tere muntazir hain gul-o-saman to bahaar ban ke chaman mein aa

    tujhe lakh log hasin kahen tujh lakh durr-e-samin kahen

    teri qadr hogi faqat yahin to harim-e-dil ke adn mein aa

    jo KHayal-e-KHuld mein ho magan mai-o-angbin mein ho jis ka man

    jo watan mein rah ke ho be-watan use kya kahun ki watan mein aa

    ye bahaar-e-bagh ye mahfilen teri KHalwaton pe nisar hon

    tujhe kaam ghuncha-o-gul se kya tu chaman ko chhoD ke ban mein aa

    rah-o-rasm-e-ishq pe rakh nazar ho jahan-e-nau ka payambar

    na to ahd-e-rafta ko yaad kar na fareb-e-charKH-e-kuhan mein aa

    ye khula na hum pe ki tu kahan mai-e-sher pi ke nikal gaya

    tujhe yaad karte hain 'arsh' sab kabhi phir bhi bazm-e-suKHan mein aa

    Source
    • Book : Kulliyat-e-Arsh (Pg. 39)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY