aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nam tera bhi rahega na sitamgar baqi

Anees Ansari

nam tera bhi rahega na sitamgar baqi

Anees Ansari

MORE BYAnees Ansari

    Interesting Fact

    26 Jan 2007, Lucknow

    naam terā bhī rahegā na sitamgar baaqī

    jab hai fir.aun na chañgez lashkar baaqī

    apne chehroñ ko siyāhī meñ chhupāne vaalo

    nok-e-neza pe hai sūraj koī sar baaqī

    tere virse pe haiñ ġhāsib uqābī nazreñ

    ġhaflatoñ se nahīñ rahte ye javāhar baaqī

    ik sadaf sat.h-e-samandar pe bahā jaatā hai

    aur sāhil pe nahīñ ek shanāvar baaqī

    ek saf hoñ to baneñ siisa pilā.ī dīvār

    hoñ adū ke liye rāheñ na kahīñ dar baaqī

    qadr kam hotī hai taqsīm jo hotā hai adū

    hāsil-e-jam.a meñ barakat hai barābar baaqī

    jaal phir laayā hai sayyād phañsāne ke liye

    mil ke uḌ jaa.eñ parinde na rahe Dar baaqī

    zulm se sar ko na Takrā.eñ to phir sajda kareñ

    haañ pata hai ki dar hogā na kahīñ sar baaqī

    ham shahīdoñ ko kabhī murda nahīñ kahte 'anīs'

    rizq jannat meñ mile shaan yahāñ par baaqī

    nam tera bhi rahega na sitamgar baqi

    jab hai firaun na changez ka lashkar baqi

    apne chehron ko siyahi mein chhupane walo

    nok-e-neza pe hai suraj sa koi sar baqi

    tere wirse pe hain ghasib ki uqabi nazren

    ghaflaton se nahin rahte ye jawahar baqi

    ek sadaf sath-e-samandar pe baha jata hai

    aur sahil pe nahin ek shanawar baqi

    ek saf hon to banen sisa pilai diwar

    hon adu ke liye rahen na kahin dar baqi

    qadr kam hoti hai taqsim jo hota hai adu

    hasil-e-jama mein barakat hai barabar baqi

    jal phir laya hai sayyaad phansane ke liye

    mil ke uD jaen parinde na rahe Dar baqi

    zulm se sar ko na Takraen to phir sajda karen

    han pata hai ki dar hoga na kahin sar baqi

    hum shahidon ko kabhi murda nahin kahte 'anis'

    rizq jannat mein mile shan yahan par baqi

    Source:

    Dard Abhi Mehfooz Nahin (Pg. 126)

    • Author: Anees Ansari
      • Edition: 2008
      • Publisher: Meyaar Publications, Delhi
      • Year of Publication: 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now