namak ki roz malish kar rahe hain

Fahmi Badayuni

namak ki roz malish kar rahe hain

Fahmi Badayuni

MORE BYFahmi Badayuni

    namak roz mālish kar rahe haiñ

    hamāre zaḳhm varzish kar rahe haiñ

    suno logoñ ko ye shak ho gayā hai

    ki ham jiine sāzish kar rahe haiñ

    hamārī pyaas ko raanī banā leñ

    ka.ī dariyā ye koshish kar rahe haiñ

    mire sahrā se jo bādal uThe the

    kisī dariyā pe bārish kar rahe haiñ

    ye sab paanī ḳhālī botaleñ haiñ

    jinheñ ham nazr-e-ātish kar rahe haiñ

    abhī chamke nahīñ 'ġhālib' ke juute

    abhī naqqād polish kar rahe haiñ

    tirī tasvīr, pañkhā, mez, muflar

    mire kamre meñ gardish kar rahe haiñ

    namak ki roz malish kar rahe hain

    hamare zaKHm warzish kar rahe hain

    suno logon ko ye shak ho gaya hai

    ki hum jine ki sazish kar rahe hain

    hamari pyas ko rani bana len

    kai dariya ye koshish kar rahe hain

    mere sahra se jo baadal uThe the

    kisi dariya pe barish kar rahe hain

    ye sab pani ki KHali botalen hain

    jinhen hum nazr-e-atish kar rahe hain

    abhi chamke nahin 'ghaalib' ke jute

    abhi naqqad polish kar rahe hain

    teri taswir, pankha, mez, muflar

    mere kamre mein gardish kar rahe hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now