nind aai hi nahin hum ko na puchho kab se

Sada Ambalvi

nind aai hi nahin hum ko na puchho kab se

Sada Ambalvi

MORE BYSada Ambalvi

    niiñd aa.ī nahīñ ham ko na pūchho kab se

    aañkh lagtī nahīñ dil hai lagāyā jab se

    un ko mahbūb kaheñ ki raqīb ab apnā

    un ko bhī pyaar huā jaa.e hai apnī chhab se

    ashk āñkhoñ se mirī nikle musalsal lekin

    us ne ik harf-e-tasallī na nikālā lab se

    dil sikhātā hai sab ādāb mohabbat ke ḳhud

    ye sabaq sīkhā nahīñ jaatā kisī maktab se

    apnī urdu to mohabbat zabāñ thī pyāre

    ab siyāsat ne use joḌ diyā maz.hab se

    maiñ bhī to dekhūñ ġharaz se jhukī āñkheñ un

    kaash aa.eñ vo mire paas kabhī matlab se

    bhiiḌ ham jaisoñ rahtī hai hamesha yuuñ to

    raushnī hotī hai mahfil meñ bas ik kaukab se

    mirī āñkhoñ ke liye raushnī se hai baḌh kar

    tirī zulfoñ siyāhī jo hai gahrī shab se

    siikh nafrat na de ai 'sadā' maz.hab koī

    hai usuul apnā kiye jaao mohabbat sab se

    nind aai hi nahin hum ko na puchho kab se

    aankh lagti hi nahin dil hai lagaya jab se

    un ko mahbub kahen ya ki raqib ab apna

    un ko bhi pyar hua jae hai apni chhab se

    ashk aankhon se meri nikle musalsal lekin

    us ne ek harf-e-tasalli na nikala lab se

    dil sikhata hai sab aadab mohabbat ke KHud

    ye sabaq sikha nahin jata kisi maktab se

    apni urdu to mohabbat ki zaban thi pyare

    ab siyasat ne use joD diya mazhab se

    main bhi to dekhun gharaz se jhuki aankhen un ki

    kash aaen wo mere pas kabhi matlab se

    bhiD hum jaison ki rahti hai hamesha yun to

    raushni hoti hai mahfil mein bas ek kaukab se

    meri aankhon ke liye raushni se hai baDh kar

    teri zulfon ki siyahi jo hai gahri shab se

    sikh nafrat ki na de ai 'sada' mazhab koi

    hai usul apna kiye jao mohabbat sab se

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY