aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

parwana jal ke sahab-e-kirdar ban gaya

Zaheer Kashmiri

parwana jal ke sahab-e-kirdar ban gaya

Zaheer Kashmiri

MORE BYZaheer Kashmiri

    parvāna jal ke sāhab-e-kirdār ban gayā

    lekin jamāl-e-sham.a gunahgār ban gayā

    ham dil-zade jo sair-e-chaman ko nikal paḌe

    har phuul dast-e-shāḳh meñ talvār ban gayā

    imshab tulū-e-yār manzar ‘ajīb thā

    bām-e-buland matla-e-anvār ban gayā

    ai mahvashān-e-shahr mirī bandagī karo

    maiñ ḳhud sañvar ke aks-e-ruḳh-e-yār ban gayā

    vo daur the nazar pe hijāb-e-ġhurūr thā

    vo chal diye maiñ dīda-e-bedār ban gayā

    jab ḳhāmushī bazm dastūr ho ga.ī

    maiñ aadmī se naqsh-ba-dīvār ban gayā

    mahsūs kar rahā huuñ ki tanhā huuñ in dinoñ

    har shahr garche misr bāzār ban gayā

    jis ham-nafas ko mujh se matā-e-vafā milī

    vo ham-nafas mirā ḳharīdār ban gayā

    parwana jal ke sahab-e-kirdar ban gaya

    lekin jamal-e-shama gunahgar ban gaya

    hum dil-zade jo sair-e-chaman ko nikal paDe

    har phul dast-e-shaKH mein talwar ban gaya

    imshab tulu-e-yar ka manzar ‘ajib tha

    baam-e-buland matla-e-anwar ban gaya

    ai mahwashan-e-shahr meri bandagi karo

    main KHud sanwar ke aks-e-ruKH-e-yar ban gaya

    wo daur the nazar pe hijab-e-ghurur tha

    wo chal diye main dida-e-bedar ban gaya

    jab KHamushi hi bazm ka dastur ho gai

    main aadmi se naqsh-ba-diwar ban gaya

    mahsus kar raha hun ki tanha hun in dinon

    har shahr garche misr ka bazar ban gaya

    jis ham-nafas ko mujh se mata-e-wafa mili

    wo ham-nafas mera hi KHaridar ban gaya

    Source:

    Funoon(Jadeed Ghazal Number: Volume-002) (Pg. 140)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now