pine mein ehtiyat ziyaada nahin rahi
piine meñ ehtiyāt ziyāda nahīñ rahī
phir mai-kade meñ baat ziyāda nahīñ rahī
arz-o-samā bhī haath se mere nikal ga.e
muTThī meñ kā.enāt ziyāda nahīñ rahī
phir ye huā ki vaqt kahīñ jā ke kho gayā
din jab ghaTā to raat ziyāda nahīñ rahī
maiñ zindagī meñ bārhā talvār par chalā
mushkil pa.e sirāt ziyāda nahīñ rahī
phir ye huā ki vaqt ne manzar chhupā liye
īd-e-tasavvurāt ziyāda nahīñ rahī
kī zindagī kī ham ne mudārāt umr-bhar
us par bhī ek raat ziyāda nahīñ rahī
mahsūs ho rahā hai tire hāl-e-zār se
'aḳhtar' tirī hayāt ziyāda nahīñ rahī
pine mein ehtiyat ziyaada nahin rahi
phir mai-kade mein baat ziyaada nahin rahi
arz-o-sama bhi hath se mere nikal gae
muTThi mein kaenat ziyaada nahin rahi
phir ye hua ki waqt kahin ja ke kho gaya
din jab ghaTa to raat ziyaada nahin rahi
main zindagi mein barha talwar par chala
mushkil pae siraat ziyaada nahin rahi
phir ye hua ki waqt ne manzar chhupa liye
id-e-tasawwuraat ziyaada nahin rahi
ki zindagi ki hum ne mudaraat umr-bhar
us par bhi ek raat ziyaada nahin rahi
mahsus ho raha hai tere haal-e-zar se
'aKHtar' teri hayat ziyaada nahin rahi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
