sabr karta hun to ehsas ziyan bolta hai

Rahman Jami

sabr karta hun to ehsas ziyan bolta hai

Rahman Jami

MORE BYRahman Jami

    sabr kartā huuñ to ehsās ziyāñ boltā hai

    chup jo rahtā huuñ to phir saarā jahāñ boltā hai

    ḳhaak hone ko hai ab dil ḳhabar bhī le lo

    dil se uThtā huā aahoñ dhuāñ boltā hai

    sun ke hotā huuñ subuk-sair ki vo shoḳh kabhī

    lafz arzāñ haiñ to chun chun ke garāñ boltā hai

    tere baare meñ sab anjān hue jaate haiñ

    pūchhtā huuñ to koī aa ke kahāñ boltā hai

    oḌh letā hai yaqīñ maslahatan chup lihāf

    is ghaḌī sach har ik baat gumāñ boltā hai

    guftugū suntā huuñ terī yahāñ shām-o-sahar

    kuchh na kuchh mujh se tirā ḳhālī makāñ boltā hai

    chāñdnī meñ jo kabhī āñkh-micholī se rachī

    kahāñ hai tirā ek ek nishāñ boltā hai

    mil ke masrūr huā aaj bahut 'jāmī' se

    vo bhī merī tarah urdu zabāñ boltā hai

    sabr karta hun to ehsas ziyan bolta hai

    chup jo rahta hun to phir sara jahan bolta hai

    KHak hone ko hai ab dil ki KHabar bhi le lo

    dil se uThta hua aahon ka dhuan bolta hai

    sun ke hota hun subuk-sair ki wo shoKH kabhi

    lafz arzan hain to chun chun ke garan bolta hai

    tere bare mein sab anjaan hue jate hain

    puchhta hun to koi aa ke kahan bolta hai

    oDh leta hai yaqin maslahatan chup ka lihaf

    is ghaDi sach ki har ek baat guman bolta hai

    guftugu sunta hun teri hi yahan sham-o-sahar

    kuchh na kuchh mujh se tera KHali makan bolta hai

    chandni mein jo kabhi aankh-micholi se rachi

    tu kahan hai tera ek ek nishan bolta hai

    mil ke masrur hua aaj bahut 'jami' se

    wo bhi meri hi tarah urdu zaban bolta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY