shakl-e-aks-o-aina masjid thi ya mai-KHana tha

shakl-e-aks-o-ā.ina masjid thī yā mai-ḳhāna thā

aap to mehmān thā aur aap sāhab-ḳhāna thā

kis ko jur.at thī jo kartā terī ārā.ish-girī

sūrat-e-shamshād to ḳhud zulf thā ḳhush shāna thā

husn se tere huā hai ishq kā bāzār garm

tū agar jalva na kartā ham ko bhī saudā na thā

thī sahar 'mārūf' shāḳh-e-sarv-e-gul ḳham jā-ba-jā

har kaf-e-ḳhāke--chaman goyā ibādat-ḳhāna thā

shakl-e-aks-o-aina masjid thi ya mai-KHana tha

aap to mehman tha aur aap sahab-KHana tha

kis ko jurat thi jo karta teri aaraish-giri

surat-e-shamshad to KHud zulf tha KHush shana tha

husn se tere hua hai ishq ka bazar garm

tu agar jalwa na karta hum ko bhi sauda na tha

thi sahar 'maruf' shaKH-e-sarw-e-gul KHam ja-ba-ja

har kaf-e-KHake--chaman goya ibaadat-KHana tha