taraqqi aur raftar-e-zamana

taraqqī aur raftār-e-zamāna

hasīñ unvān huzn-āgīñ fasāna

jo badle nit nayā ek āstāna

bhalā aisī jabīñ kā kyā Thikānā

tire fikr-o-amal sab shā.irāna

na badlā tū ye badle kyoñ zamāna

qadam ishq-o-junūñ ke fātehāna

ḳhirad kī chaal sab hiila bahāna

mubārak us kā azm-e-muslihāna

ḳhafā hoñ jis se abnā-e-zamāna

ḳhumār-e-sub.h kyā kaif-e-shabāna

mujhe baḳhshā surūr-e-jāvedāna

vo aañsū jo karam ko jazb kar leñ

vahī hai mere dāman kā ḳhazāna

tumheñ zauq-e-hadīs-e-dil-barāna

ġhazal 'ārif' kī fikr-e-ārifāna

taraqqi aur raftar-e-zamana

hasin unwan huzn-agin fasana

jo badle nit naya ek aastana

bhala aisi jabin ka kya Thikana

tere fikr-o-amal sab shairana

na badla tu ye badle kyon zamana

qadam ishq-o-junun ke fatehana

KHirad ki chaal sab hila bahana

mubarak us ka azm-e-muslihana

KHafa hon jis se abna-e-zamana

KHumar-e-subh kya kaif-e-shabana

mujhe baKHsha surur-e-jawedana

wo aansu jo karam ko jazb kar len

wahi hai mere daman ka KHazana

tumhein zauq-e-hadis-e-dil-barana

ghazal 'arif' ki fikr-e-arifana