tarwar khinch hum ko dikhate ho jab na tab

Waliullah Muhib

tarwar khinch hum ko dikhate ho jab na tab

Waliullah Muhib

MORE BYWaliullah Muhib

    tarvār khīñch ham ko dikhāte ho jab na tab

    kyā mar rahe javāñ ko satāte ho jab na tab

    taqsīr ham se kaun aisī huī vuqūa

    muñh par jo haath mere dhirāte ho jab na tab

    az-bas mizāj ham se tumhārā kashīda hai

    āzurda baat meñ hue jaate ho jab na tab

    ab to rakhā hai kaaT hamārā ye aap ne

    ġhairoñ se mil patañg uḌāte ho jab na tab

    ik baat hamārī batañgaḌ banāte ho

    sau jhuuT sach ko apne chhupāte ho jab na tab

    ai vā.izo ye kyā tumheñ bakvās lag ga.ī

    merī suno tum apnī gaate ho jab na tab

    ham dard-e-dil kaheñ to javāb is maze se do

    qissa 'muhib' ye kis ko sunāte ho jab na tab

    tarwar khinch hum ko dikhate ho jab na tab

    kya mar rahe jawan ko satate ho jab na tab

    taqsir hum se kaun si aisi hui wuqua

    munh par jo hath mere dhiraate ho jab na tab

    az-bas mizaj hum se tumhaara kashida hai

    aazurda baat mein hue jate ho jab na tab

    ab to rakha hai kaT hamara ye aap ne

    ghairon se mil patang uDate ho jab na tab

    ek baat ka hamari batangaD banate ho

    sau jhuT sach ko apne chhupate ho jab na tab

    ai waizo ye kya tumhein bakwas lag gai

    meri suno tum apni hi gate ho jab na tab

    hum dard-e-dil kahen to jawab is maze se do

    qissa 'muhib' ye kis ko sunate ho jab na tab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now