tasawwur munkashif-az-baam ho jaane se Darta hun
tasavvur munkashif-az-bām ho jaane se Dartā huuñ
atā-e-kashf ke itmām ho jaane se Dartā huuñ
zamīn-o-arsh ke bāham ta.alluq ke tanāzur meñ
zamīn-o-arsh kā idġhām ho jaane se Dartā huuñ
kabhī sab kar guzarne kā junūñ bechain rakhtā hai
kabhī yuuñ bhī huā sab kaam ho jaane se Dartā huuñ
mohabbat irtibāt-e-qalb se mashrūt hotī hai
yaqīn-o-rabt ke ib.hām ho jaane se Dartā huuñ
kahāñ mujh ko mayassar misr kā bāzār aa.egā
ḳhud apnī zaat meñ nīlām ho jaane se Dartā huuñ
'alī' bahr-e-mohabbat kā shanāvar huuñ ḳhudā shāhid
vafā ke naam pe ilzām ho jaane se Dartā huuñ
tasawwur munkashif-az-baam ho jaane se Darta hun
ata-e-kashf ke itmam ho jaane se Darta hun
zamin-o-arsh ke baham talluq ke tanazur mein
zamin-o-arsh ka idgham ho jaane se Darta hun
kabhi sab kar guzarne ka junun bechain rakhta hai
kabhi yun bhi hua sab kaam ho jaane se Darta hun
mohabbat irtibaat-e-qalb se mashrut hoti hai
yaqin-o-rabt ke ibham ho jaane se Darta hun
kahan mujh ko mayassar misr ka bazar aaega
KHud apni zat mein nilam ho jaane se Darta hun
'ali' bahr-e-mohabbat ka shanawar hun KHuda shahid
wafa ke nam pe ilzam ho jaane se Darta hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
