tawil raaton ki KHamushi mein meri fughan thak ke so gai hai

Ahmad Rahi

tawil raaton ki KHamushi mein meri fughan thak ke so gai hai

Ahmad Rahi

MORE BYAhmad Rahi

    tavīl rātoñ ḳhāmushī meñ mirī fuġhāñ thak ke so ga.ī hai

    tumhārī āñkhoñ ne jo kahī thī vo dāstāñ thak ke so ga.ī hai

    gilā nahīñ tujh se zindagī ke vo zāviye badal chuke haiñ

    mirī vafā vo tire taġhāful nauha-ḳhvāñ thak ke so ga.ī hai

    mire ḳhayāloñ meñ aaj bhī ḳhvāb ahd-e-rafta ke jāgte haiñ

    tumhāre pahlū meñ kāhish-e-yād-e-āstāñ thak ke so ga.ī hai

    sahar ummīd ab kise hai sahar ummīd ho bhī kaise

    ki ziist ummīd o nā-ummīdī ke darmiyāñ thak ke so ga.ī hai

    na jaane maiñ kis udheḌ-bun meñ ulajh gayā huuñ ki mujh ko 'rāhī'

    ḳhabar nahīñ kuchh vo ārzū-e-sukūñ kahāñ thak ke so ga.ī hai

    tawil raaton ki KHamushi mein meri fughan thak ke so gai hai

    tumhaari aankhon ne jo kahi thi wo dastan thak ke so gai hai

    gila nahin tujh se zindagi ke wo zawiye hi badal chuke hain

    meri wafa wo tere taghaful ki nauha-KHwan thak ke so gai hai

    mere KHayalon mein aaj bhi KHwab ahd-e-rafta ke jagte hain

    tumhaare pahlu mein kahish-e-yaad-e-astan thak ke so gai hai

    sahar ki ummid ab kise hai sahar ki ummid ho bhi kaise

    ki zist ummid o na-ummidi ke darmiyan thak ke so gai hai

    na jaane main kis udheD-bun mein ulajh gaya hun ki mujh ko 'rahi'

    KHabar nahin kuchh wo aarzu-e-sukun kahan thak ke so gai hai

    Source :
    • Book : Rag-e-jan (Pg. 106)
    • Author : Ahmad Rahi
    • Publication : Al-Hamd Publication (2005)
    • Edition : 2005

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY