tujhse mil kar dil mein rah jati hai armanon ki baat

Wamiq Jaunpuri

tujhse mil kar dil mein rah jati hai armanon ki baat

Wamiq Jaunpuri

MORE BYWamiq Jaunpuri

    tujh se mil kar dil meñ rah jaatī hai armānoñ baat

    yaad rahtī hai kisī sāhil pe tūfānoñ baat

    vo to kahiye aaj bhī zanjīr meñ jhankār hai

    varna kis ko yaad rah jaatī hai dīvānoñ baat

    kyā na thī tum ko ḳhabar ai kaj-kalāhān-e-bahār

    bū-e-gul ke saath phailegī zindānoñ baat

    ḳhair ho mere junūñ khil ga.e sad.hā gulāb

    varna koī pūchhtā kyā bayābānoñ baat

    kyā kabhī hotī kisī magar ai zindagī

    zahr kar ham ne rakh tere dīvānoñ baat

    rishta-e-yād-e-butāñ TuuTā na tark-e-ishq se

    hai haram meñ ab bhī zer-e-lab sanam-ḳhānoñ baat

    ham-nashīñ us ke lab o ruḳhsār hoñ sair-e-gul

    tazkira koī bhī ho niklegī mai-ḳhānoñ baat

    bazm-e-anjum ho ki bazm-e-ḳhāk bazm-e-ḳhayāl

    jis jagah jaao sunā.ī degī insānoñ baat

    ibn-e-ādam ḳhosha-e-gandum pe hai mā.il-ba-jañg

    ye na hai masjid qissa aur na but-ḳhānoñ baat

    phuul se bhī narm-tar 'vāmiq' kabhī apnā kalām

    aur kabhī talvār ham āshufta-sāmānoñ baat

    tujh se mil kar dil mein rah jati hai armanon ki baat

    yaad rahti hai kisi sahil pe tufanon ki baat

    wo to kahiye aaj bhi zanjir mein jhankar hai

    warna kis ko yaad rah jati hai diwanon ki baat

    kya na thi tum ko KHabar ai kaj-kalahan-e-bahaar

    bu-e-gul ke sath hi phailegi zindanon ki baat

    KHair ho mere junun ki khil gae sadha gulab

    warna koi puchhta hi kya bayabanon ki baat

    kya kabhi hoti kisi ki tu magar ai zindagi

    zahr pi kar hum ne rakh li tere diwanon ki baat

    rishta-e-yaad-e-butan TuTa na tark-e-ishq se

    hai haram mein ab bhi zer-e-lab sanam-KHanon ki baat

    ham-nashin us ke lab o ruKHsar hon ya sair-e-gul

    tazkira koi bhi ho niklegi mai-KHanon ki baat

    bazm-e-anjum ho ki bazm-e-KHak ya bazm-e-KHayal

    jis jagah jao sunai degi insanon ki baat

    ibn-e-adam KHosha-e-gandum pe hai mail-ba-jang

    ye na hai masjid ka qissa aur na but-KHanon ki baat

    phul se bhi narm-tar 'wamiq' kabhi apna kalam

    aur kabhi talwar hum aashufta-samanon ki baat

    RECITATIONS

    Khalid Mubashshir

    Khalid Mubashshir

    Khalid Mubashshir

    tujhse mil kar dil mein rah jati hai armanon ki baat Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY