wo le ke hausla-e-azm-e-be-panah chale

vo le ke hausla-e-azm-e-be-panāh chale

jo log hañste hue sū-e-qatl-gāh chale

ġharīb nikle rajaz-ḳhvāñ to ahl-e-dil ne kahā

karo salām ki himmat ke bādshāh chale

fareb khaa.e hue zulm o jaur insāñ ke

ḳhudā kī ḳhaas adālat ke dād-ḳhvāh chale

na bīm-e-marg na ḳhauf-e-ajal na ranj koī

ḳhushī se karte hue raqs kaj-kulāh chale

salīb o daar kī sab rahmatoñ ke pesh-e-nazar

vo tabarruk karte hue hirs-e-izz-o-jāh chale

zamāna chīḳh uThā sab kī aañkh bhar aa.ī

barā.e qatl jo maqtal ko be-gunāh chale

zamīn vaalo uTho uTh ke in ko sajda karo

vo le ke parcham-e-nau 'arsh' pā-e-gāh chale

wo le ke hausla-e-azm-e-be-panah chale

jo log hanste hue su-e-qatl-gah chale

gharib nikle rajaz-KHwan to ahl-e-dil ne kaha

karo salam ki himmat ke baadshah chale

fareb khae hue zulm o jaur insan ke

KHuda ki KHas adalat ke dad-KHwah chale

na bim-e-marg na KHauf-e-ajal na ranj koi

KHushi se karte hue raqs kaj-kulah chale

salib o dar ki sab rahmaton ke pesh-e-nazar

wo tabarruk karte hue hirs-e-izz-o-jah chale

zamana chiKH uTha sab ki aankh bhar aai

barae qatl jo maqtal ko be-gunah chale

zamin walo uTho uTh ke in ko sajda karo

wo le ke parcham-e-nau 'arsh' pa-e-gah chale