wo shaKHs phir kahani ka unwan ban gaya

vo shaḳhs phir kahānī kā unvān ban gayā

maiñ dard likh rahī thī vo dīvān ban gayā

gardish meñ chāroñ samt rahe us ke lafz lafz

kuchh yuuñ huā ke aaj vo mehmān ban gayā

ḳhush thī maiñ us ko baḳhsh ke kirdār phir nayā

vo merī dil-lagī kā bhī sāmān ban gayā

mahfil uruuj par thī ki nazreñ ulajh paḌīñ

sab jān-būjh ke bhī vo anjān ban gayā

jab us kā ishq ḳhuun kī dhāroñ meñ hal huā

mere liye to lūlū-o-marjān ban gayā

itne taġhayyurāt ke allāh kī panāh

har karb mere ishq kā tāvān ban gayā

lazzat to aañkh ne bhī uThā.ī thī saarī raat

ik ḳhvāb merī ruuh kā sohān ban gayā

kuchh aur ramz mujh pe kiye jaa.eñ āshkār

us kī taraf se ye nayā farmān ban gayā

'asrā' qadam sambhāl ke rakhnā zamīn par

shaitān kah rahā hai ki rahmān ban gayā

wo shaKHs phir kahani ka unwan ban gaya

main dard likh rahi thi wo diwan ban gaya

gardish mein chaaron samt rahe us ke lafz lafz

kuchh yun hua ke aaj wo mehman ban gaya

KHush thi main us ko baKHsh ke kirdar phir naya

wo meri dil-lagi ka bhi saman ban gaya

mahfil uruj par thi ki nazren ulajh paDin

sab jaan-bujh ke bhi wo anjaan ban gaya

jab us ka ishq KHun ki dhaaron mein hal hua

mere liye to lulu-o-marjaan ban gaya

itne taghayyuraat ke allah ki panah

har karb mere ishq ka tawan ban gaya

lazzat to aankh ne bhi uThai thi sari raat

ek KHwab meri ruh ka sohan ban gaya

kuchh aur ramz mujh pe kiye jaen aashkar

us ki taraf se ye naya farman ban gaya

'asra' qadam sambhaal ke rakhna zamin par

shaitan kah raha hai ki rahman ban gaya