ye farsh-o-arsh kya hai allah jaanta hai

ye farsh-o-arsh kyā hai allāh jāntā hai

pardoñ meñ kyā chhupā hai allāh jāntā hai

jo bhī burā-bhalā hai allāh jāntā hai

bandoñ ke dil meñ kyā hai allāh jāntā hai

laakh apne dil kā sikka duniyā se tū chhupā.e

khoTā hai yā kharā hai allāh jāntā hai

jā kar jahāñ se vāpas aatā nahīñ hai koī

vo baam kaun sā hai allāh jāntā hai

ye sub.h-o-shām dekho ye dhūp-chhāñv dekho

sab kyuuñ ye ho rahā hai allāh jāntā hai

nekī-badī ko apnī kitnā hī tū chhupā.e

allāh ko patā hai allāh jāntā hai

qismat ke naam ko sab jaane nahīñ haiñ 'aḳhtar'

qismat meñ kyā likhā hai allāh jāntā hai

ye farsh-o-arsh kya hai allah jaanta hai

pardon mein kya chhupa hai allah jaanta hai

jo bhi bura-bhala hai allah jaanta hai

bandon ke dil mein kya hai allah jaanta hai

lakh apne dil ka sikka duniya se tu chhupae

khoTa hai ya khara hai allah jaanta hai

ja kar jahan se wapas aata nahin hai koi

wo baam kaun sa hai allah jaanta hai

ye subh-o-sham dekho ye dhup-chhanw dekho

sab kyun ye ho raha hai allah jaanta hai

neki-badi ko apni kitna hi tu chhupae

allah ko pata hai allah jaanta hai

qismat ke nam ko sab jaane nahin hain 'aKHtar'

qismat mein kya likha hai allah jaanta hai