ye manta hun ki sau bar jhuT kahta hai

ye māntā huuñ ki sau baar jhuuT kahtā hai

magar ye sach hai vo tum se hī pyaar kartā hai

are vo hogā munāfiq tumhārā yaar nahīñ

har ek baat pe jo haañ meñ haañ milātā hai

kahūñ maiñ achchhā burā yā karūñ koī bakvās

mirā ḳhudā hī to har baat merī suntā hai

muāshare kā baḌā ek alamiya ye hai

yahāñ pe jurm ziyāda faroġh paatā hai

tumheñ zamīñ kā havāla to raas aayā nahīñ

vo āsmān bhalā kis ne jā ke dekhā hai

maiñ us ke hone pe kāmil yaqīn rakhtā huuñ

mire yaqīn pe vo bhī yaqīn rakhtā hai

ai merī huur tirā intizār hai ab bhī

tirā 'vaqār' abhī terī raah taktā hai

ye manta hun ki sau bar jhuT kahta hai

magar ye sach hai wo tum se hi pyar karta hai

are wo hoga munafiq tumhaara yar nahin

har ek baat pe jo han mein han milata hai

kahun main achchha bura ya karun koi bakwas

mera KHuda hi to har baat meri sunta hai

muashare ka baDa ek alamiya ye hai

yahan pe jurm ziyaada farogh pata hai

tumhein zamin ka hawala to ras aaya nahin

wo aasman bhala kis ne ja ke dekha hai

main us ke hone pe kaamil yaqin rakhta hun

mere yaqin pe wo bhi yaqin rakhta hai

ai meri hur tera intizar hai ab bhi

tera 'waqar' abhi teri rah takta hai