ye sitam aur ki hum phul kahen Khaaron ko

ye sitam aur ki ham phuul kaheñ ḳhāroñ ko

is se to aag hī lag jaa.e saman-zāroñ ko

hai abas fikr-e-talāfī tujhe ai jān-e-vafā

dhun hai ab aur hī kuchh tere talab-gāroñ ko

tan-e-tanhā hī guzārī haiñ añdherī rāteñ

ham ne ghabrā ke pukārā na kabhī tāroñ ko

nā-gahāñ phuuT paḌe raushniyoñ ke jharne

ek jhoñkā hī uḌā le gayā añdhiyāroñ ko

saare is daur kī muñh boltī tasvīreñ haiñ

koī dekhe mire dīvān ke kirdāroñ ko

nāla-e-āḳhir-e-shab kis ko sunā.ūñ 'nāsir'

niiñd pyārī hai mire daur ke fankāroñ ko

ye sitam aur ki hum phul kahen KHaron ko

is se to aag hi lag jae saman-zaron ko

hai abas fikr-e-talafi tujhe ai jaan-e-wafa

dhun hai ab aur hi kuchh tere talab-garon ko

tan-e-tanha hi guzari hain andheri raaten

hum ne ghabra ke pukara na kabhi taron ko

na-gahan phuT paDe raushniyon ke jharne

ek jhonka hi uDa le gaya andhiyaron ko

sare is daur ki munh bolti taswiren hain

koi dekhe mere diwan ke kirdaron ko

nala-e-aKHir-e-shab kis ko sunaun 'nasir'

nind pyari hai mere daur ke fankaron ko