jo zimmedariyan qismat ne mere sar rakh din

jo zimmedāriyāñ qismat ne mere sar rakh diiñ

to phir nazākateñ maiñ ne uThā ke ghar rakh diiñ

tumhāre baad zamāne meñ aur kyā dekheñ

lo ham ne chehre se āñkheñ utaar kar rakh diiñ

phir aaj umr-e-guzishta kī yaad aa.ī hai

phir apne maazī kī tasvīreñ dekh kar rakh diiñ

yaqīn hogā hameñ ab tumhāre hone kā

lo ham ne uñgliyāñ jalte charāġh par rakh diiñ

chhupā.e baiThī huuñ siine meñ ek muddat se

vo bāteñ dil kī tire sāmne agar rakh diiñ

jo zimmedariyan qismat ne mere sar rakh din

to phir nazakaten main ne uTha ke ghar rakh din

tumhaare baad zamane mein aur kya dekhen

lo hum ne chehre se aankhen utar kar rakh din

phir aaj umr-e-guzishta ki yaad aai hai

phir apne mazi ki taswiren dekh kar rakh din

yaqin hoga hamein ab tumhaare hone ka

lo hum ne ungliyan jalte charagh par rakh din

chhupae baiThi hun sine mein ek muddat se

wo baaten dil ki tere samne agar rakh din