zindagi ke aaKHiri lamhe KHushi se bhar gaya

Krishna Mohan

zindagi ke aaKHiri lamhe KHushi se bhar gaya

Krishna Mohan

MORE BYKrishna Mohan

    zindagī ke āḳhirī lamhe ḳhushī se bhar gayā

    ek din itnā hañsā vo hañste hañste mar gayā

    bujh gayā ehsās taarī hai sukūt-e-be-hisī

    dard daftar gayā sāmān-e-shor-o-shar gayā

    shaḳhs-e-māmūlī mirā jo māl-e-vāfir chhoḌ kar

    marte marte tohmateñ chand apne zimme dhar gayā

    is qadar sanjīda thā vo daf.atan būḌhā huā

    aur phir ik dopahar biivī ko beva kar gayā

    dūrdarshan par tarab āgīñ tamāshā dekh kar

    ḳhush huā vo is qadar maare ḳhushī ke mar gayā

    dar haqīqat maut matlab to hai naql-e-makāñ

    jis tarah kamre ke andar se koī bāhar gayā

    kirshn 'mohan' ye bhī hai kaisā akelā-pan ki log

    maut se Darte haiñ maiñ to zindagī se Dar gayā

    zindagi ke aaKHiri lamhe KHushi se bhar gaya

    ek din itna hansa wo hanste hanste mar gaya

    bujh gaya ehsas tari hai sukut-e-be-hisi

    dard ka daftar gaya saman-e-shor-o-shar gaya

    shaKHs-e-mamuli mera jo mal-e-wafir chhoD kar

    marte marte tohmaten chand apne zimme dhar gaya

    is qadar sanjida tha wo dafatan buDha hua

    aur phir ek dopahar biwi ko bewa kar gaya

    durdarshan par tarab aagin tamasha dekh kar

    KHush hua wo is qadar mare KHushi ke mar gaya

    dar haqiqat maut ka matlab to hai naql-e-makan

    jis tarah kamre ke andar se koi bahar gaya

    kirshn 'mohan' ye bhi hai kaisa akela-pan ki log

    maut se Darte hain main to zindagi se Dar gaya

    RECITATIONS

    Nomaan Shauque

    Nomaan Shauque

    Nomaan Shauque

    zindagi ke aaKHiri lamhe KHushi se bhar gaya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY