zindagi kya hai ek manzar hai
zindagī kyā hai ek manzar hai
ret hai tishnagī hai kīkar hai
aap behad hasīn haiñ lekin
dil to yāqūt kā bhī patthar hai
ek tasvīr merī āñkhoñ kī
ek tasvīr meñ samundar hai
sāya-e-atifat meñ rahtā huuñ
ġham tirā rāhatoñ se baḌh kar hai
aap kyuuñ der se khaḌe haiñ yahāñ
aa.iye paas hī mirā ghar hai
kūcha-e-zāt meñ bhaTaktā huuñ
aap kā rāsta to az-bar hai
sansanī āhaToñ se pahle thī
ḳhauf ḳhāmoshiyoñ kā maz.har hai
ek tasvīr meñ jiye ham log
zindagī bhī ajiib manzar hai
maiñ sitārā-mizāj huuñ 'rāhil'
jāgnā hī mirā muqaddar hai
zindagi kya hai ek manzar hai
ret hai tishnagi hai kikar hai
aap behad hasin hain lekin
dil to yaqut ka bhi patthar hai
ek taswir meri aankhon ki
ek taswir mein samundar hai
saya-e-atifat mein rahta hun
gham tera rahaton se baDh kar hai
aap kyun der se khaDe hain yahan
aaiye pas hi mera ghar hai
kucha-e-zat mein bhaTakta hun
aap ka rasta to az-bar hai
sansani aahaTon se pahle thi
KHauf KHamoshiyon ka mazhar hai
ek taswir mein jiye hum log
zindagi bhi ajib manzar hai
main sitara-mizaj hun 'rahil'
jagna hi mera muqaddar hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
