dar mazammat barshgal ki baran daran sal bisyar shuda bud

kyā kahūñ ab kī kaisī hai barsāt

josh bārāñ se bah ga.ī'' hai baat

buuñd thamtī nahīñ hai ab kī saal

charḳh goyā hai aab dar ġhirbāl

vahī yaksāñ añdher barse hai

āsmāñ chashm vā ko tarse hai

maah o ḳhurshīd ab nikalte nahīñ

taare Duube hue uchhalte nahīñ

aab ban koī boltā hī nahīñ

āsmāñ diida kholtā hī nahīñ

charḳh tak ho gayā hai paanī jo

maah o maahī haiñ ek jā har do

le zamīñ se hai tā falak ġharqāb

chashma āftāb haiñ girdāb

ḳhushk ban ab kī baar sabz hue

muush dashtī ke ḳhaar sabz hue

abr kis kis syaah mastī se

hote jā haiñ buland pastī se

laḌkoñ ne kī zamāna saazī hai

ḳhaak baazī ab aab baazī hai

abr kurtā hai qatra afshānī

paanī paanī rahe hai bārānī

tunak aabī se jaan mat aġhrāq

Dūbne par hai kashtī āfāq

'aql ne sab kī khoī hai

baat bārāñ ne yaañ Duboī hai

kaisā tūfān meñh chhāyā hai

zaḳhm dil ne bhī aab uThāyā hai

baiThe uThte nahīñ haiñ baam o dar

ye ḳharābī hai shahr ke andar

saqf āmāj buuñd paikāñ hai

meñh hai yā ki tiir bārāñ hai

jaise dariyā ubalte dīkhe haiñ

yaañ sau parnāle chalte dīkhe haiñ

abr rahmat hai yā ki zahmat hai

ek ‘ālim ġharīq rahmat hai

le ga.e haiñ jahān ko sailāb

naqsha 'ālam kā naqsh thā bar-āb

na hai jalsa na rabt yārāñ hai

shahr meñ hai to baad o bārāñ hai

roz o shab yaañ hamesha jhamkā hai

in dinoñ rang barq chamkā hai

baḌī būñdoñ kī choT se Dariye

sañg bārāñ jahāñ hū vaañ mariye

paḌhte haiñ yaar daras hairānī

aarsī ke bhī ghar meñ hai paanī

aadmī haiñ sau kab nikalte haiñ

mardum aabī phirte chalte haiñ

kate Duube ga.e kahāñ haiñ ab

sag aabī hī haiñ jahāñ haiñ ab

vus'at aab pūchh mat kuchh yaar

kūche maujoñ ke ho ga.e bāzār

mā'bad ''ab saare girte aate haiñ

zāhid ḳhushk Duube jaate haiñ

thā Thahrnā barābar un ke shaaq

masjidoñ meñ kiyā hai istiġhrāq

meñh to yaañ lage hī rahte haiñ

saare ‘ālim ke kaan bahte haiñ

ġharq hai chiḌiyā aur gilahrī hai

ḳhushkī kā jānvar bhī bahrī hai

meñh az bas-ki hai gā

ik jahāñ ko Dubo rihā hai gā

tar haiñ jo ḳhushk aur tirūñ meñ haiñ

jāneñ ik sūkhtī gharoñ meñ haiñ

she’r kī bahr meñ bhī hai paanī

bahtī phirtī hai ab ġhazal ḳhvānī

laa.ī kī chālākī

aab ḳhushk guhar pe namnākī

hai zarā'at jū paanī ne maarī

ho ga.ī aab ḳhissat tarkārī

aab hai gā jahāñ ke sar tā sar

ḳhauf se sūkhtā hai tar

mast ho ho ga.e haiñ mast sharāb

ġhote khāte phire haiñ 'ālam aab

mastī hai ''ab jū chāheñ sair aabī

bat mai to huī hai murġhābī

jitnī qahbāeñ ḳhushk thiiñ mash.hūr

un kī se sail haiñ mahshūr

unhoñ kī thailā hai

ye ḳharāba bure meñ phailā hai

dast ġham is qadar bah tuġhyāñ hai

ki har ik gosha biich tūfāñ hai

sail dīkhe haiñ ke

liye kashtī gaddā haiñ bārāñ ke

jazar o mad jis kā tā falak jā hai

jo hai tālāb qahr dariyā hai

har taraf haiñ nazar meñ abr-e-siyāh

paanī hai jas taraf ko kariye nigāh

dar rikāb

chashm tā car mī kunad

paanī 'ālam ke tā ba sar hai gā

ḳhushk maġhzoñ kā maġhz tar hai gā

ḳhizr kyoñ karke ziist kurtā hai

āb-e-haivāñ meñ paanī martā hai

likhe kiyā 'mīr' meñh kī tuġhyānī

ho ga.ī hai siyāhī bhī paanī

kya kahun ab ki kaisi hai barsat

josh baran se bah gai hai baat

bund thamti nahin hai ab ki sal

charKH goya hai aab dar ghirbaal

wahi yaksan andher barse hai

aasman chashm wa ko tarse hai

mah o KHurshid ab nikalte nahin

tare Dube hue uchhalte nahin

aab ban koi bolta hi nahin

aasman dida kholta hi nahin

charKH tak ho gaya hai pani jo

mah o mahi hain ek ja har do

le zamin se hai ta falak gharqab

chashma aaftab hain girdab

KHushk ban ab ki bar sabz hue

mush dashti ke KHar sabz hue

abr kis kis syah masti se

hote ja hain buland pasti se

laDkon ne ki zamana sazi hai

KHak bazi ab aab bazi hai

abr kurta hai qatra afshani

pani pani rahe hai barani

tunak aabi se jaan mat aghraq

Dubne par hai kashti aafaq

'aql ne sab ki khoi hai

baat baran ne yan Duboi hai

kaisa tufan meinh chhaya hai

zaKHm dil ne bhi aab uThaya hai

baiThe uThte nahin hain baam o dar

ye KHarabi hai shahr ke andar

saqf aamaj bund paikan hai

meinh hai ya ki tir baran hai

jaise dariya ubalte dikhe hain

yan sau parnale chalte dikhe hain

abr rahmat hai ya ki zahmat hai

ek ‘alim ghariq rahmat hai

le gae hain jahan ko sailab

naqsha 'alam ka naqsh tha bar-ab

na hai jalsa na rabt yaran hai

shahr mein hai to baad o baran hai

roz o shab yan hamesha jhamka hai

in dinon rang barq chamka hai

baDi bundon ki choT se Dariye

sang baran jahan hu wan mariye

paDhte hain yar daras hairani

aarsi ke bhi ghar mein hai pani

aadmi hain sau kab nikalte hain

mardum aabi phirte chalte hain

kate Dube gae kahan hain ab

sag aabi hi hain jahan hain ab

wus'at aab puchh mat kuchh yar

kuche maujon ke ho gae bazar

ma'bad ab sare girte aate hain

zahid KHushk Dube jate hain

tha Thahrna barabar un ke shaq

masjidon mein kiya hai istighraq

meinh to yan lage hi rahte hain

sare ‘alim ke kan bahte hain

gharq hai chiDiya aur gilahri hai

KHushki ka jaanwar bhi bahri hai

meinh az bas-ki hai ga

ek jahan ko Dubo riha hai ga

tar hain jo KHushk aur tirun mein hain

jaanen ek sukhti gharon mein hain

she’r ki bahr mein bhi hai pani

bahti phirti hai ab ghazal KHwani

lai ki chaalaki

aab KHushk guhar pe namnaki

hai zara'at ju pani ne mari

ho gai aab KHissat tarkari

aab hai ga jahan ke sar ta sar

KHauf se sukhta hai tar

mast ho ho gae hain mast sharab

ghote khate phire hain 'alam aab

masti hai ab ju chahen sair aabi

bat mai to hui hai murghabi

jitni qahbaen KHushk thin mashhur

un ki se sail hain mahshur

unhon ki thaila hai

ye KHaraba bure mein phaila hai

dast gham is qadar bah tughyan hai

ki har ek gosha bich tufan hai

sail dikhe hain ke

liye kashti gadda hain baran ke

jazar o mad jis ka ta falak ja hai

jo hai talab qahr dariya hai

har taraf hain nazar mein abr-e-siyah

pani hai jas taraf ko kariye nigah

dar rikab

chashm ta car mi kunad

pani 'alam ke ta ba sar hai ga

KHushk maghzon ka maghz tar hai ga

KHizr kyon karke zist kurta hai

aab-e-haiwan mein pani marta hai

likhe kiya 'mir' meinh ki tughyani

ho gai hai siyahi bhi pani