phuTa kiye piyale lunDhta phira qaraba
phūTā kiye piyāle luñDhtā phirā qarābā
mastī meñ merī thā yaañ ik shor aur sharābā
hikmat hai kuchh jo gardūñ yaksāñ phirā kare hai
chaltā nahīñ vagarna shām-o-sahar 'urābā
bāham huā kareñ haiñ din-rāt nīche uupar
ye narm-shāne lauñDe haiñ maḳhmal-e-do-ḳhvābā
in sohbatoñ meñ āḳhir jāneñ hī jātiyāñ haiñ
nai 'ishq ko hai sarfa nai husn ko muhābā
har-chand nā-tavāñ haiñ par aa gayā jo jī meñ
deñge milā zamīñ se terā falak qalāba
ve din ga.e ki āñkheñ dariyā sī bahtiyāñ thiiñ
sūkhā paḌā hai ab to muddat se ye do-ābā
muñh dhote vaqt us ke aksar dikhā.ī de hai
ḳhurshīd le rahā hai ik roz āftāba
ab shahr har taraf se maidān ho gayā hai
phailā thā is tarah kā kaahe ko yaañ ḳharāba
dil-taftagī kī apnī hijrāñ meñ sharh kyā duuñ
chhātī to 'mīr' merī jal kar huī hai taaba
phuTa kiye piyale lunDhta phira qaraba
masti mein meri tha yan ek shor aur sharaba
hikmat hai kuchh jo gardun yaksan phira kare hai
chalta nahin wagarna sham-o-sahar 'uraba
baham hua karen hain din-raat niche upar
ye narm-shane launDe hain maKHmal-e-do-KHwaba
in sohbaton mein aaKHir jaanen hi jatiyan hain
nai 'ishq ko hai sarfa nai husn ko muhaba
har-chand na-tawan hain par aa gaya jo ji mein
denge mila zamin se tera falak qalaba
we din gae ki aankhen dariya si bahtiyan thin
sukha paDa hai ab to muddat se ye do-aba
munh dhote waqt us ke aksar dikhai de hai
KHurshid le raha hai ek roz aaftaba
ab shahr har taraf se maidan ho gaya hai
phaila tha is tarah ka kahe ko yan KHaraba
dil-taftagi ki apni hijran mein sharh kya dun
chhati to 'mir' meri jal kar hui hai taba
Source:
MIRIYAAT - Diwan No- 1, Ghazal No- 0060
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.