ji apna maine tere liye KHwar ho diya
jī apnā maiñ ne tere liye ḳhvār ho diyā
āḳhir ko justujū ne tirī mujh ko kho diyā
be-tāqatī sukūñ nahīñ rakhtī hai ham-nashīñ
rone ne har ghaḌī ke mujhe to Dubo diyā
ai abr is chaman meñ na hogā gul-e-umīd
yaañ tuḳhm-e-yās ashk ko maiñ phir ke bo diyā
pūchhā jo maiñ ne dard-e-mohabbat se 'mīr' ko
rakh haath un ne dil pe Tuk ik apne ro diyā
ji apna main ne tere liye KHwar ho diya
aaKHir ko justuju ne teri mujh ko kho diya
be-taqati sukun nahin rakhti hai ham-nashin
rone ne har ghaDi ke mujhe to Dubo diya
ai abr is chaman mein na hoga gul-e-umid
yan tuKHm-e-yas ashk ko main phir ke bo diya
puchha jo main ne dard-e-mohabbat se 'mir' ko
rakh hath un ne dil pe Tuk ek apne ro diya
Source:
MIRIYAAT - Diwan No- 1, Ghazal No- 0110
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.