aankhon mein ji mera hai idhar yar dekhna
āñkhoñ meñ jī mirā hai idhar yaar dekhnā
āshiq kā apne āḳhirī dīdār dekhnā
kaisā chaman ki ham se asīroñ ko manā hai
chāk-e-qafas se baaġh kī dīvār dekhnā
āñkheñ churā.iyo na Tuk abr-e-bahār se
merī taraf bhī dīda-e-ḳhūñ-bār dekhnā
ai ham-safar na aable ko pahuñche chashm-e-tar
laagā hai mere paañv meñ aa ḳhaar dekhnā
honā na chaar chashm-e-dil us zulm-pesha se
hushiyār zīnhār ḳhabar-dār dekhnā
sayyād dil hai dāġh-e-judā.ī se rashk-e-bāġh
tujh ko bhī ho nasīb ye gulzār dekhnā
gar zamzama yahī hai koī din to ham-safīr
is fasl hī meñ ham ko giraftār dekhnā
bulbul hamāre gul pe na gustāḳh kar nazar
ho jā.egā gale kā kahīñ haar dekhnā
shāyad hamārī ḳhaak se kuchh ho bhī ai nasīm
ġhirbāl kar ke kūcha-e-dildār dekhnā
us ḳhush-nigah ke ishq se parhez kiijo 'mīr'
jaatā hai le ke jī hī ye āzār dekhnā
aankhon mein ji mera hai idhar yar dekhna
aashiq ka apne aaKHiri didar dekhna
kaisa chaman ki hum se asiron ko mana hai
chaak-e-qafas se bagh ki diwar dekhna
aankhen churaiyo na Tuk abr-e-bahaar se
meri taraf bhi dida-e-KHun-bar dekhna
ai ham-safar na aable ko pahunche chashm-e-tar
laga hai mere panw mein aa KHar dekhna
hona na chaar chashm-e-dil us zulm-pesha se
hushiyar zinhaar KHabar-dar dekhna
sayyaad dil hai dagh-e-judai se rashk-e-bagh
tujh ko bhi ho nasib ye gulzar dekhna
gar zamzama yahi hai koi din to ham-safir
is fasl hi mein hum ko giraftar dekhna
bulbul hamare gul pe na gustaKH kar nazar
ho jaega gale ka kahin haar dekhna
shayad hamari KHak se kuchh ho bhi ai nasim
ghirbaal kar ke kucha-e-dildar dekhna
us KHush-nigah ke ishq se parhez kijo 'mir'
jata hai le ke ji hi ye aazar dekhna
Source:
MIRIYAAT - Diwan No- 1, Ghazal No- 0121
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.