holi

MORE BYNazeer Akbarabadi

    phir aan ke ishrat machā Dhañg zamīñ par

    aur aish ne arsa hai kiyā tañg zamīñ par

    har dil ko ḳhushī huā āhañg zamīñ par

    hotā hai kahīñ raag kahīñ rañg zamīñ par

    bajte haiñ kahīñ taal kahīñ zañg zamīñ par

    holī ne machāyā hai ajab rañg zamīñ par

    ghuñgrū paḌī aan ke phir kaan meñ jhankār

    sārañgī huī biin tambūroñ madad-gār

    tabloñ ke Thuke tabl ye sāzoñ ke baje taar

    rāgoñ ke kahīñ ġhul kahīñ nāchoñ ke bañdhe taar

    Dholak kahīñ jhankāre hai mirdañg zamīñ par

    holī ne machāyā hai ajab rañg zamīñ par

    mastī meñ uThā aañkh jidhar dekho ahāhā

    nāche hai tavā.if kahīñ maTke hai bhavayya

    chalte haiñ kahīñ jaam kahīñ svāñg charchā

    o rañg ko galiyoñ meñ jo dekho to har ik

    bahtī haiñ umañD kar jaman-o-gañg zamīñ par

    holī ne machāyā hai ajab rañg zamīñ par

    bhāge hai kahīñ rañg kisī par jo koī Daal

    vo poTlī maare hai use dauḌ ke filhāl

    ye Taañg ghasīTe hai to vo khīñche pakaḌ baal

    vo haath maroḌe to ye toḌe hai khaḌā gaal

    is Dhab ke har ik pe mache Dhañg zamīñ par

    holī ne machāyā hai ajab rañg zamīñ par

    baiThe haiñ sab aapas meñ nahīñ ek bhī kaḌvā

    pichkārī uThā kar koī jhamkāve hai khaḌvā

    bharte haiñ kahīñ mushk kahīñ rañg gaḌvā

    kyā shaad vo hotā hai jise kahte haiñ bhaḌvā

    sunñe meñ yahāñ tak nahīñ ab nañg zamīñ par

    holī ne machāyā hai ajab rañg zamīñ par

    holī 'nazīr' ab jo bahāreñ haiñ ahāhā

    mahbūb rañgīloñ qatāreñ haiñ ahāhā

    kapḌoñ pe jamī rañg dhāreñ haiñ ahāhā

    sab holī hai holī pukāre haiñ ahāhā

    kyā aish hai kyā rañg hai kyā Dhañg zamīñ par

    holī ne machāyā hai ajab rañg zamīñ par

    phir aan ke ishrat ka macha Dhang zamin par

    aur aish ne arsa hai kiya tang zamin par

    har dil ko KHushi ka hua aahang zamin par

    hota hai kahin rag kahin rang zamin par

    bajte hain kahin tal kahin zang zamin par

    holi ne machaya hai ajab rang zamin par

    ghungru ki paDi aan ke phir kan mein jhankar

    sarangi hui bin tamburon ki madad-gar

    tablon ke Thuke tabl ye sazon ke baje tar

    ragon ke kahin ghul kahin nachon ke bandhe tar

    Dholak kahin jhankare hai mirdang zamin par

    holi ne machaya hai ajab rang zamin par

    masti mein uTha aankh jidhar dekho ahaha

    nache hai tawaif kahin maTke hai bhawayya

    chalte hain kahin jam kahin swang ka charcha

    o rang ko galiyon mein jo dekho to har ek ja

    bahti hain umanD kar jaman-o-gang zamin par

    holi ne machaya hai ajab rang zamin par

    bhage hai kahin rang kisi par jo koi Dal

    wo poTli mare hai use dauD ke filhaal

    ye Tang ghasiTe hai to wo khinche pakaD baal

    wo hath maroDe to ye toDe hai khaDa gal

    is Dhab ke har ek ja pe mache Dhang zamin par

    holi ne machaya hai ajab rang zamin par

    baiThe hain sab aapas mein nahin ek bhi kaDwa

    pichkari uTha kar koi jhamkawe hai khaDwa

    bharte hain kahin mushk kahin rang ka gaDwa

    kya shad wo hota hai jise kahte hain bhaDwa

    sunne mein yahan tak nahin ab nang zamin par

    holi ne machaya hai ajab rang zamin par

    holi ki 'nazir' ab jo bahaaren hain ahaha

    mahbub rangilon ki qataren hain ahaha

    kapDon pe jami rang ki dhaaren hain ahaha

    sab holi hai holi hi pukare hain ahaha

    kya aish hai kya rang hai kya Dhang zamin par

    holi ne machaya hai ajab rang zamin par

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY