Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aadmi aur jaanwar

Bazagh Bihari

aadmi aur jaanwar

Bazagh Bihari

MORE BYBazagh Bihari

    shaam ko jab ghar meñ aa.e ham middle schōl se

    ek sāhab milne aa.e shahr-e-asansol se

    ham ne pūchhā naam to bole mohammad iftiḳhār

    ḳhairiyat pūchhī to vo kahne lage be-iḳhtiyār

    aap haiñ 'bāzaġh' bihārī shā.ir-e-tanz-o-mizāh

    san aThattar meñ huā jin zarāfat se nikāh

    mastī-e-tanz-o-zarāfat jab se hai sar par savār

    shā.erī ke field meñ haiñ aap shutr-e-be-mahār

    merī bātoñ na hargiz aap jo māneñ burā

    aap ko 'bāzaġh' bihārī hai ye merā mashvara

    aap ab sinf-e-zarāfat se ta'alluq toḌiye

    aur shahnāz-e-ġhazal se apnā rishta joḌiye

    baḌh nahīñ saktā zarāfat se vaqār-e-shā.erī

    tanz se chaltā nahīñ hai kārobār-e-shā.erī

    ab hazal-goī to ik bāzīcha-e-atfāl hai

    bhairvīñ malhār Thumrī sheva-e-qavvāl hai

    aap dekheñge ġhazal sinf apnāne ke ba.ad

    rang laatī hai hinā patthar pe pis jaane ke baad

    mas.ala ho sāmne to is hal bhī chāhiye

    jab galā achchhā ho to achchhī ġhazal bhī chāhiye

    dast-basta phir to ham ne arz ai mohtaram

    qādir-e-mutlaq hai insān pe kitnā karam

    aaj bhī nāzāñ hai jis par fitrat-e-parvardigār

    munfarid hai aadmī allāh vo shāhkār

    aadmī ko jis ne baḳhshī hai matā-e-shā.erī

    hai tarannum bhī vadī.at ik usī allāh

    sunñe vāloñ ko samā.at maza bhī chāhiye

    jab ġhazal achchhī ho to achchhā galā bhī chāhiye

    tā.irān-e-tīra-shab jab bolte haiñ taht meñ

    phail jaatī hai nahūsat kohsār-o-dasht meñ

    bhauñkte haiñ raat ko jab bhī sagān-e-kū-e-yār

    phir nazar aatā nahīñ hai āshiqoñ ko sū-e-yār

    mast ho kar jab gad.he karte haiñ Dheñchūñ raat ko

    yaad aa jaatī hai naanī bhuut aur jinnāt ko

    jānvar be-aql insāñ maḳhzan-e-aql-e-salīm

    aadmī aur jānvar meñ hai ye tafrīq-e-azīm

    jānvar hañstā nahīñ hai aur hañsā saktā nahīñ

    ibn-e-ādam tarah vo gungunā saktā nahīñ

    sham ko jab ghar mein aae hum middle school se

    ek sahab milne aae shahr-e-asansol se

    hum ne puchha nam to bole mohammad iftiKHar

    KHairiyat puchhi to wo kahne lage be-iKHtiyar

    aap hain 'bazagh' bihaari shair-e-tanz-o-mizah

    san aThattar mein hua jin ka zarafat se nikah

    masti-e-tanz-o-zarafat jab se hai sar par sawar

    shaeri ke field mein hain aap shutr-e-be-mahaar

    meri baaton ka na hargiz aap jo manen bura

    aap ko 'bazagh' bihaari hai ye mera mashwara

    aap ab sinf-e-zarafat se ta'alluq toDiye

    aur shahnaz-e-ghazal se apna rishta joDiye

    baDh nahin sakta zarafat se waqar-e-shaeri

    tanz se chalta nahin hai karobar-e-shaeri

    ab hazal-goi to ek bazicha-e-atfal hai

    bhairwin malhaar Thumri shewa-e-qawwal hai

    aap dekhenge ghazal ki sinf apnane ke baad

    rang lati hai hina patthar pe pis jaane ke baad

    masala ho samne to is ka hal bhi chahiye

    jab gala achchha ho to achchhi ghazal bhi chahiye

    dast-basta phir to hum ne arz ki ai mohtaram

    qadir-e-mutlaq ka hai insan pe kitna karam

    aaj bhi nazan hai jis par fitrat-e-parwardigar

    munfarid hai aadmi allah ka wo shahkar

    aadmi ko jis ne baKHshi hai mata-e-shaeri

    hai tarannum bhi wadiat ek usi allah ki

    sunne walon ko samaat ka maza bhi chahiye

    jab ghazal achchhi ho to achchha gala bhi chahiye

    tairan-e-tira-shab jab bolte hain taht mein

    phail jati hai nahusat kohsar-o-dasht mein

    bhaunkte hain raat ko jab bhi sagan-e-ku-e-yar

    phir nazar aata nahin hai aashiqon ko su-e-yar

    mast ho kar jab gadhe karte hain Dhenchun raat ko

    yaad aa jati hai nani bhut aur jinnat ko

    jaanwar be-aql insan maKHzan-e-aql-e-salim

    aadmi aur jaanwar mein hai ye tafriq-e-azim

    jaanwar hansta nahin hai aur hansa sakta nahin

    ibn-e-adam ki tarah wo gunguna sakta nahin

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now