aawara

Asrarul Haq Majaz

aawara

Asrarul Haq Majaz

MORE BY Asrarul Haq Majaz

    INTERESTING FACT

    Film: Thokar 1953

    shahr raat aur maiñ nāshād o nākārā phirūñ

    jagmagātī jāgtī saḌkoñ pe āvārā phirūñ

    ġhair bastī hai kab tak dar-ba-dar maarā phirūñ

    ai ġham-e-dil kyā karūñ ai vahshat-e-dil kyā karūñ

    jhilmilāte qumqumoñ raah meñ zanjīr

    raat ke hāthoñ meñ din mohnī tasvīr

    mere siine par magar rakhī huī shamshīr

    ai ġham-e-dil kyā karūñ ai vahshat-e-dil kyā karūñ

    ye rupahlī chhāñv ye ākāsh par tāroñ jaal

    jaise suufī tasavvur jaise āshiq ḳhayāl

    aah lekin kaun jaane kaun samjhe haal

    ai ġham-e-dil kyā karūñ ai vahshat-e-dil kyā karūñ

    phir vo TuuTā ik sitāra phir vo chhūTī phul-jaḌī

    jaane kis god meñ aa.ī ye motī laḌī

    huuk siine meñ uTThī choT dil par paḌī

    ai ġham-e-dil kyā karūñ ai vahshat-e-dil kyā karūñ

    raat hañs hañs kar ye kahtī hai ki mai-ḳhāne meñ chal

    phir kisī shahnāz-e-lāla-ruḳh ke kāshāne meñ chal

    ye nahīñ mumkin to phir ai dost vīrāne meñ chal

    ai ġham-e-dil kyā karūñ ai vahshat-e-dil kyā karūñ

    har taraf bikhrī huī rañgīniyāñ ra.anā.iyāñ

    har qadam par ishrateñ letī huī añgḌā.iyāñ

    baḌh rahī haiñ god phailā.e hue rusvā.iyāñ

    ai ġham-e-dil kyā karūñ ai vahshat-e-dil kyā karūñ

    rāste meñ ruk ke dam le luuñ mirī aadat nahīñ

    lauT kar vāpas chalā jā.ūñ mirī fitrat nahīñ

    aur koī ham-navā mil jaa.e ye qismat nahīñ

    ai ġham-e-dil kyā karūñ ai vahshat-e-dil kyā karūñ

    muntazir hai ek tūfān-e-balā mere liye

    ab bhī jaane kitne darvāze haiñ mere liye

    par musībat hai mirā ahd-e-vafā mere liye

    ai ġham-e-dil kyā karūñ ai vahshat-e-dil kyā karūñ

    meñ aatā hai ki ab ahd-e-vafā bhī toḌ duuñ

    un ko saktā huuñ maiñ ye aasrā bhī toḌ duuñ

    haañ munāsib hai ye zanjīr-e-havā bhī toḌ duuñ

    ai ġham-e-dil kyā karūñ ai vahshat-e-dil kyā karūñ

    ik mahal aaḌ se niklā vo piilā māhtāb

    jaise mullā amāma jaise baniye kitāb

    jaise muflis javānī jaise beva shabāb

    ai ġham-e-dil kyā karūñ ai vahshat-e-dil kyā karūñ

    dil meñ ik sho.ala bhaḌak uTThā hai āḳhir kyā karūñ

    merā paimāna chhalak uTThā hai āḳhir kyā karūñ

    zaḳhm siine mahak uTThā hai āḳhir kyā karūñ

    ai ġham-e-dil kyā karūñ ai vahshat-e-dil kyā karūñ

    meñ aatā hai ye murda chāñd taare noch luuñ

    is kināre noch luuñ aur us kināre noch luuñ

    ek do zikr kyā saare ke saare noch luuñ

    ai ġham-e-dil kyā karūñ ai vahshat-e-dil kyā karūñ

    muflisī aur ye mazāhir haiñ nazar ke sāmne

    saikḌoñ sultān-e-jābir haiñ nazar ke sāmne

    saikḌoñ chañgez o nādir haiñ nazar ke sāmne

    ai ġham-e-dil kyā karūñ ai vahshat-e-dil kyā karūñ

    le ke ik chañgez ke hāthoñ se ḳhanjar toḌ duuñ

    taaj par us ke damaktā hai jo patthar toḌ duuñ

    koī toḌe na toḌe maiñ baḌh kar toḌ duuñ

    ai ġham-e-dil kyā karūñ ai vahshat-e-dil kyā karūñ

    baḌh ke us indar sabhā saaz o sāmāñ phūñk duuñ

    us gulshan phūñk duuñ us shabistāñ phūñk duuñ

    taḳht-e-sultāñ kyā maiñ saarā qasr-e-sultāñ phūñk duuñ

    ai ġham-e-dil kyā karūñ ai vahshat-e-dil kyā karūñ

    shahr ki raat aur main nashad o nakara phirun

    jagmagati jagti saDkon pe aawara phirun

    ghair ki basti hai kab tak dar-ba-dar mara phirun

    ai gham-e-dil kya karun ai wahshat-e-dil kya karun

    jhilmilate qumqumon ki rah mein zanjir si

    raat ke hathon mein din ki mohni taswir si

    mere sine par magar rakhi hui shamshir si

    ai gham-e-dil kya karun ai wahshat-e-dil kya karun

    ye rupahli chhanw ye aakash par taron ka jal

    jaise sufi ka tasawwur jaise aashiq ka KHayal

    aah lekin kaun jaane kaun samjhe ji ka haal

    ai gham-e-dil kya karun ai wahshat-e-dil kya karun

    phir wo TuTa ek sitara phir wo chhuTi phul-jaDi

    jaane kis ki god mein aai ye moti ki laDi

    huk si sine mein uTThi choT si dil par paDi

    ai gham-e-dil kya karun ai wahshat-e-dil kya karun

    raat hans hans kar ye kahti hai ki mai-KHane mein chal

    phir kisi shahnaz-e-lala-ruKH ke kashane mein chal

    ye nahin mumkin to phir ai dost virane mein chal

    ai gham-e-dil kya karun ai wahshat-e-dil kya karun

    har taraf bikhri hui ranginiyan ranaiyan

    har qadam par ishraten leti hui angDaiyan

    baDh rahi hain god phailae hue ruswaiyan

    ai gham-e-dil kya karun ai wahshat-e-dil kya karun

    raste mein ruk ke dam le lun meri aadat nahin

    lauT kar wapas chala jaun meri fitrat nahin

    aur koi ham-nawa mil jae ye qismat nahin

    ai gham-e-dil kya karun ai wahshat-e-dil kya karun

    muntazir hai ek tufan-e-bala mere liye

    ab bhi jaane kitne darwaze hain wa mere liye

    par musibat hai mera ahd-e-wafa mere liye

    ai gham-e-dil kya karun ai wahshat-e-dil kya karun

    ji mein aata hai ki ab ahd-e-wafa bhi toD dun

    un ko pa sakta hun main ye aasra bhi toD dun

    han munasib hai ye zanjir-e-hawa bhi toD dun

    ai gham-e-dil kya karun ai wahshat-e-dil kya karun

    ek mahal ki aaD se nikla wo pila mahtab

    jaise mulla ka amama jaise baniye ki kitab

    jaise muflis ki jawani jaise bewa ka shabab

    ai gham-e-dil kya karun ai wahshat-e-dil kya karun

    dil mein ek shoala bhaDak uTTha hai aaKHir kya karun

    mera paimana chhalak uTTha hai aaKHir kya karun

    zaKHm sine ka mahak uTTha hai aaKHir kya karun

    ai gham-e-dil kya karun ai wahshat-e-dil kya karun

    ji mein aata hai ye murda chand tare noch lun

    is kinare noch lun aur us kinare noch lun

    ek do ka zikr kya sare ke sare noch lun

    ai gham-e-dil kya karun ai wahshat-e-dil kya karun

    muflisi aur ye mazahir hain nazar ke samne

    saikDon sultan-e-jabir hain nazar ke samne

    saikDon changez o nadir hain nazar ke samne

    ai gham-e-dil kya karun ai wahshat-e-dil kya karun

    le ke ek changez ke hathon se KHanjar toD dun

    taj par us ke damakta hai jo patthar toD dun

    koi toDe ya na toDe main hi baDh kar toD dun

    ai gham-e-dil kya karun ai wahshat-e-dil kya karun

    baDh ke us indar sabha ka saz o saman phunk dun

    us ka gulshan phunk dun us ka shabistan phunk dun

    taKHt-e-sultan kya main sara qasr-e-sultan phunk dun

    ai gham-e-dil kya karun ai wahshat-e-dil kya karun

    Videos
    This video is playing from YouTube

    Videos
    This video is playing from YouTube

    Asha Bhosle

    Asha Bhosle

    Jagjit Singh

    Jagjit Singh

    Unknown

    Unknown

    Unknown

    Unknown

    Unknown

    Unknown

    Talat Mahmood

    Talat Mahmood

    RECITATIONS

    Nomaan Shauque

    Nomaan Shauque

    Fahad Husain

    Fahad Husain

    Nomaan Shauque

    aawara Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY