abr

uThī phir aaj vo pūrab se kaalī kaalī ghaTā

siyāh-posh huā phir pahāḌ sarban kā

nihāñ huā jo ruḳh-e-mehr zer-e-dāman-e-abr

havā-e-sard bhī aa.ī savār tausan-e-abr

garaj kā shor nahīñ hai ḳhamosh hai ye ghaTā

'ajīb mai-kada-e-be-ḳharosh hai ye ghaTā

chaman meñ hukm-e-nashāt-e-mudām laa.ī hai

qabā-e-gul meñ guhar Tāñkne ko aa.ī hai

jo phuul mehr kī garmī se so chale the uThe

zamīñ kī god meñ jo paḌ ke so rahe the uThe

havā ke zor se ubhrā baḌhā uḌā bādal

uThī vo aur ghaTā lo baras paḌā bādal

'ajīb ḳhema hai kohsār ke nihāloñ kā

yahīñ qiyām ho vaadī meñ phirne vāloñ kā

uThi phir aaj wo purab se kali kali ghaTa

siyah-posh hua phir pahaD sarban ka

nihan hua jo ruKH-e-mehr zer-e-daman-e-abr

hawa-e-sard bhi aai sawar tausan-e-abr

garaj ka shor nahin hai KHamosh hai ye ghaTa

'ajib mai-kada-e-be-KHarosh hai ye ghaTa

chaman mein hukm-e-nashat-e-mudam lai hai

qaba-e-gul mein guhar Tankne ko aai hai

jo phul mehr ki garmi se so chale the uThe

zamin ki god mein jo paD ke so rahe the uThe

hawa ke zor se ubhra baDha uDa baadal

uThi wo aur ghaTa lo baras paDa baadal

'ajib KHema hai kohsar ke nihaalon ka

yahin qiyam ho wadi mein phirne walon ka