bhali si ek shakl thi

Ahmad Faraz

bhali si ek shakl thi

Ahmad Faraz

MORE BYAhmad Faraz

    bhale dinoñ baat hai

    bhalī ek shakl thī

    na ye ki husn-e-tām ho

    na dekhne meñ aam

    na ye ki vo chale to kahkashāñ rahguzar lage

    magar vo saath ho to phir bhalā bhalā safar lage

    koī bhī rut ho us chhab

    fazā rañg-rūp thī

    vo garmiyoñ chhāñv thī

    vo sardiyoñ dhuup thī

    na muddatoñ judā rahe

    na saath sub.h-o-shām ho

    na rishta-e-vafā pe zid

    na ye ki izn-e-ām ho

    na aisī ḳhush-libāsiyāñ

    ki sādgī gila kare

    na itnī be-takallufī

    ki aa.ina hayā kare

    na iḳhtilāt meñ vo ram

    ki bad-maza hoñ ḳhvāhisheñ

    na is qadar supurdagī

    ki zach kareñ navāzisheñ

    na āshiqī junūn

    ki zindagī azaab ho

    na is qadar kaThor-pan

    ki dostī ḳharāb ho

    kabhī to baat bhī ḳhafī

    kabhī sukūt bhī suḳhan

    kabhī to kisht-e-za.afarāñ

    kabhī udāsiyoñ ban

    sunā hai ek umr hai

    muāmalāt-e-dil bhī

    visāl-e-jāñ-fazā,n to kyā

    firāq-e-jāñgusil bhī

    so ek roz kyā huā

    vafā pe bahs chhiḌ ga.ī

    maiñ ishq ko amar kahūñ

    vo merī zid se chiḌ ga.ī

    maiñ ishq asiir thā

    vo ishq ko qafas kahe

    ki umr bhar ke saath ko

    vo bad-tar-az-havas kahe

    shajar hajar nahīñ ki ham

    hamesha pā-ba-gil raheñ

    na Dhor haiñ ki rassiyāñ

    gale meñ mustaqil raheñ

    mohabbatoñ vus.ateñ

    hamāre dast-o-pā meñ haiñ

    bas ek dar se nisbateñ

    sagān-e-bā-vafā meñ haiñ

    maiñ koī panting nahīñ

    ki ik frame meñ rahūñ

    vahī jo man miit ho

    usī ke prem meñ rahūñ

    tumhārī soch jo bhī ho

    maiñ us mizāj nahīñ

    mujhe vafā se bair hai

    ye baat aaj nahīñ

    na us ko mujh pe maan thā

    na mujh ko us pe zo.am

    jo ahd koī na ho

    to kyā ġham-e-shikastagī

    so apnā apnā rāsta

    hañsī-ḳhushī badal diyā

    vo apnī raah chal paḌī

    maiñ apnī raah chal diyā

    bhalī ek shakl thī

    bhalī us dostī

    ab us yaad raat din

    nahīñ, magar kabhī kabhī

    bhale dinon ki baat hai

    bhali si ek shakl thi

    na ye ki husn-e-tam ho

    na dekhne mein aam si

    na ye ki wo chale to kahkashan si rahguzar lage

    magar wo sath ho to phir bhala bhala safar lage

    koi bhi rut ho us ki chhab

    faza ka rang-rup thi

    wo garmiyon ki chhanw thi

    wo sardiyon ki dhup thi

    na muddaton juda rahe

    na sath subh-o-sham ho

    na rishta-e-wafa pe zid

    na ye ki izn-e-am ho

    na aisi KHush-libasiyan

    ki sadgi gila kare

    na itni be-takallufi

    ki aaina haya kare

    na iKHtilat mein wo ram

    ki bad-maza hon KHwahishen

    na is qadar supurdagi

    ki zach karen nawazishen

    na aashiqi junun ki

    ki zindagi azab ho

    na is qadar kaThor-pan

    ki dosti KHarab ho

    kabhi to baat bhi KHafi

    kabhi sukut bhi suKHan

    kabhi to kisht-e-zafaran

    kabhi udasiyon ka ban

    suna hai ek umr hai

    muamalat-e-dil ki bhi

    visal-e-jaan-faza,n to kya

    firaq-e-jaangusil ki bhi

    so ek roz kya hua

    wafa pe bahs chhiD gai

    main ishq ko amar kahun

    wo meri zid se chiD gai

    main ishq ka asir tha

    wo ishq ko qafas kahe

    ki umr bhar ke sath ko

    wo bad-tar-az-hawas kahe

    shajar hajar nahin ki hum

    hamesha pa-ba-gil rahen

    na Dhor hain ki rassiyan

    gale mein mustaqil rahen

    mohabbaton ki wusaten

    hamare dast-o-pa mein hain

    bas ek dar se nisbaten

    sagan-e-ba-wafa mein hain

    main koi panting nahin

    ki ek frame mein rahun

    wahi jo man ka mit ho

    usi ke prem mein rahun

    tumhaari soch jo bhi ho

    main us mizaj ki nahin

    mujhe wafa se bair hai

    ye baat aaj ki nahin

    na us ko mujh pe man tha

    na mujh ko us pe zoam hi

    jo ahd hi koi na ho

    to kya gham-e-shikastagi

    so apna apna rasta

    hansi-KHushi badal diya

    wo apni rah chal paDi

    main apni rah chal diya

    bhali si ek shakl thi

    bhali si us ki dosti

    ab us ki yaad raat din

    nahin, magar kabhi kabhi

    Source
    • Book : Kulliyat-e-Ahmad Faraz (Pg. 151)
    • Author : Ahmad Faraz
    • Publication : Farid Book Depot Pvt. Ltd. (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY