ghazal-paimai

Asrar jamayee

ghazal-paimai

Asrar jamayee

MORE BYAsrar jamayee

    shā.erī garm saare mulk meñ bāzār hai

    jis ko dekho vo qalam kāġhaz liye tayār hai

    tez bekārī jitnī aaj kal raftār hai

    bas usī darja fuzūñ ġhazloñ paidā-vār hai

    har galī kūche meñ hai sherī nashishtoñ dukāñ

    zehan ko bīmār rakhne ye kārobār hai

    mubtadī ustād tak band o ataa.ī jo bhī hai

    sher-sāzī ke junūñ meñ mast hai sarshār hai

    ek pyālī chaa.e rakh kar dostoñ ke darmiyāñ

    be-tukī bahseñ haiñ ghanToñ be-sabab takrār hai

    jo bhī shā.er hai use dekho to haftoñ qabl se

    bas radīf o qāfiya se bar-sar-e-paikār hai

    qāfiye jitne luġhat meñ mil sake sab chun liye

    in ko misroñ meñ khapāyā aur ġhazal tayār hai

    maulvī haalī huuñ mister kalīmuddīn huuñ

    un nazroñ meñ ġhazal be-rabta-e-afkār hai

    phir bhī an-paḌh log hoñ hoñ adab ke doctor

    jaane kyuuñ us shoḳh chanchal se sabhī ko pyaar hai

    daur-e-nau ho suḳhan-var purānī nasl

    jis ko dekho mahfiloñ meñ bas us yaar hai

    ik adā-e-ḳhās se akḌe hue baiTheñge sab

    jo bhī shā.er hai ba-zom-e-ḳhud baḌā fankār hai

    sher sunñe se ziyāda ḳhud sunāne ke liye

    nafḳh hālat meñ haiñ betābi-e-iz.hār hai

    baañs par chaḌhnā utarnā jis tarah kaam hai

    ye ġhazal-paimā.ī bhī vaisā shaġhl 'asrār' hai

    shaeri ka garm sare mulk mein bazar hai

    jis ko dekho wo qalam kaghaz liye tayar hai

    tez bekari ki jitni aaj kal raftar hai

    bas usi darja fuzun ghazlon ki paida-war hai

    har gali kuche mein hai sheri nashishton ki dukan

    zehan ko bimar rakhne ka ye karobar hai

    mubtadi ustad tak band o atai jo bhi hai

    sher-sazi ke junun mein mast hai sarshaar hai

    ek pyali chae rakh kar doston ke darmiyan

    be-tuki bahsen hain ghanTon be-sabab takrar hai

    jo bhi shaer hai use dekho to hafton qabl se

    bas radif o qafiya se bar-sar-e-paikar hai

    qafiye jitne lughat mein mil sake sab chun liye

    in ko misron mein khapaya aur ghazal tayar hai

    maulwi haali hun ya mister kalimuddin hun

    un ki nazron mein ghazal be-rabta-e-afkar hai

    phir bhi an-paDh log hon ya hon adab ke doctor

    jaane kyun us shoKH chanchal se sabhi ko pyar hai

    daur-e-nau ka ho suKHan-war ya purani nasl ka

    jis ko dekho mahfilon mein bas us ka yar hai

    ek ada-e-KHas se akDe hue baiThenge sab

    jo bhi shaer hai ba-zom-e-KHud baDa fankar hai

    sher sunne se ziyaada KHud sunane ke liye

    nafKH ki haalat mein hain betabi-e-izhaar hai

    bans par chaDhna utarna jis tarah ka kaam hai

    ye ghazal-paimai bhi waisa hi shaghl 'asrar' hai

    Source :
    • Book : shair-e-aazam (Pg. 59)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY