jugnu

Firaq Gorakhpuri

jugnu

Firaq Gorakhpuri

MORE BY Firaq Gorakhpuri

    INTERESTING FACT

    biis baras ke us naujavan kii dastan jis ki maan us din mar gai jis din vo paida hua.

    ye mast mast ghaTā, ye bharī bharī barsāt

    tamām hadd-e-nazar tak ghulāvaToñ samāñ

    fazā-e-shām meñ Dore se paḌte jaate haiñ

    jidhar nigāh kareñ kuchh dhuāñ uThtā hai

    dahak uThā hai tarāvat aañch se ākāsh

    ze-farsh tā-falak añgḌā.iyoñ aalam hai

    ye mad-bharī huī purvā.iyāñ sanaktī huī

    jhinjhoḌtī hai harī Dāliyoñ ko sard havā

    ye shāḳh-sār ke jhūloñ meñ peñg paḌte hue

    ye lākhoñ pattiyoñ nāchnā ye raqs-e-nabāt

    ye be-ḳhudī-e-musarrat ye vālihāna raqs

    ye tāl-sam ye chhamā-chham ki kaan bajte haiñ

    havā ke dosh pe kuchh uudī uudī shakloñ

    nashe meñ chuur parchhā.iyāñ thiraktī huī

    ufuq pe Dūbte din jhapaktī haiñ āñkheñ

    ḳhamosh soz-e-darūñ se sulag rahī hai ye shām!

    mire makān ke aage hai ek chauḌā sahn vasī.a

    kabhī vo hañstā nazar aatā hai kabhī vo udaas

    isī ke biich meñ hai ek peḌ pīpal

    sunā hai maiñ ne buzurgoñ se ye ki umr us

    jo kuchh na hogī to hogī qarīb chhiyānve saal

    chhiḌī thī hind meñ jab pahlī jañg-e-āzādī

    jise dabāne ke ba.ad us ko ġhadr kahne lage

    ye ahl-e-hind bhī hote haiñ kis qadar ma.asūm

    vo dār-o-gīr vo āzādī-e-vatan jañg

    vatan se thī ki ġhanīm-e-vatan se ġhaddārī

    biphar ga.e the hamāre vatan ke piir o javāñ

    dayār-e-hind meñ ran paḌ gayā thā chaar taraf

    usī zamāne meñ kahte haiñ mere daadā ne

    jab arz-e-hind siñchī ḳhuun se ''sapūtoñ'' ke

    miyān-e-sahn lagāyā thā ke ik paudā

    jo āb-o-ātish-o-ḳhāk-o-havā se paltā huā

    ḳhud apne qad se ba-josh-e-numū nikaltā huā

    fusūn-e-rūh banātī ragoñ meñ chaltā huā

    nigāh-e-shauq ke sāñchoñ meñ roz Dhaltā huā

    sunā hai rāviyoñ se dīdanī thī us uThān

    har ik ke dekhte dekhte chaḌhā parvān

    vahī hai aaj ye chhitnār peḌ pīpal

    vo Tahniyoñ ke kamanDal liye jaTādhārī

    zamāna dekhe hue hai ye peḌ bachpan se

    rahī hai is ke liye dāḳhlī kashish mujh meñ

    rahā huuñ dekhtā chup-chāp der tak us ko

    maiñ kho gayā huuñ ka.ī baar is nazāre meñ

    vo us gahrī jaḌeñ thiiñ ki zindagī jaḌeñ?

    pas-e-sukūn-e-shajar koī dil dhaḌaktā thā

    maiñ dekhtā thā use hastī-e-bashar tarah

    kabhī udaas kabhī shādmāñ kabhī gambhīr

    fazā surma.ī rañg aur ho chalā gahrā

    ghulā ghulā falak hai dhuāñ dhuāñ hai shaam

    hai jhuTpuTā ki koī azhdahā hai mā.il-e-ḳhvāb

    sukūt-e-shām meñ darmāndagī aalam hai

    rukī rukī kisī soch meñ hai mauj-e-sabā

    rukī rukī safeñ malgajī ghaTāoñ

    utaar par hai sar-e-sahn raqs pīpal

    vo kuchh nahīñ hai ab ik jumbish-e-ḳhafī ke sivā

    ḳhud apnī kaifiyat-e-nīl-gūñ meñ har lahza

    ye shaam Dūbtī jaatī hai chhuptī jaatī hai

    hijāb-e-vaqt sire se hai be-his-o-harakat

    rukī rukī dil-e-fitrat dhaḌkaneñ yak-laḳht

    ye rañg-e-shām ki gardish āsmāñ meñ nahīñ

    bas ek vaqfa-e-tārīk, lamha-e-shahlā

    samā meñ jumbish-e-mub.ham kuchh huī fauran

    tulī ghaTā ke tale bhīge bhīge pattoñ se

    harī harī ka.ī chiñgāriyāñ phuuT paḌīñ

    ki jaise khultī jhapaktī hoñ be-shumār āñkheñ

    ajab ye āñkh-micholī thī nūr-o-zulmat

    suhānī narm laveñ dete an-ginat jugnū

    ghanī siyāh ḳhunuk pattiyoñ ke jhurmuT se

    misāl-e-chādar-e-shab-tāb jagmagāne lage

    ki thartharāte hue āñsuoñ se sāġhar-e-shām

    chhalak chhalak paḌe jaise baġhair saan gumān

    butūn-e-shām meñ in zinda qumqumoñ damak

    kisī soī huī yaad ko jagātī thī

    vo be-panāh ghaTā vo bharī bharī barsāt

    vo scene dekh ke āñkheñ mirī bhar aatī thiiñ

    mirī hayāt ne dekhī haiñ biis barsāteñ

    mire janam ke din mar ga.ī thī maañ merī

    vo maañ ki shakl bhī jis maañ maiñ na dekh sakā

    jo aañkh bhar ke mujhe dekh bhī sakī na vo maañ

    maiñ vo pisar huuñ jo samjhā nahīñ ki maañ kyā hai

    mujhe khilā.iyoñ aur dā.iyoñ ne paalā thā

    vo mujh se kahtī thiiñ jab ghir ke aatī thī barsāt

    jab āsmān meñ har ghaTā.eñ chhātī thiiñ

    ba-vaqt-e-shām jab uḌte the har taraf jugnū

    diye dikhāte haiñ ye bhūlī-bhaTkī rūhoñ ko

    maza bhī aatā thā mujh ko kuchh un bātoñ meñ

    maiñ un bātoñ meñ rah rah ke kho bhī jaatā thā

    par is ke saath dil meñ kasak hotī thī

    kabhī kabhī ye kasak huuk ban ke uThtī thī

    yatīm dil ko mire ye ḳhayāl hotā thaa!

    ye shaam mujh ko banā detī kaash ik jugnū

    to maañ bhaTkī huī ruuh ko dikhātā raah

    kahāñ kahāñ vo bichārī bhaTak rahī hogī

    kahāñ kahāñ mirī ḳhātir bhaTak rahī hogī

    ye soch kar mirī hālat ajiib ho jaatī

    palak oT meñ jugnū chamakne lagte the

    kabhī kabhī to mirī hichkiyāñ bañdh jātīñ

    ki maañ ke paas kisī tarah maiñ pahuñch jā.ūñ

    aur us ko raah dikhātā huā maiñ ghar lā.ūñ

    dikhā.ūñ apne khilaune dikhā.ūñ apnī kitāb

    kahūñ ki paḌh ke sunā to mirī kitāb mujhe

    phir is ke ba.ad dikhā.ūñ use maiñ vo copy

    ki teḌhī-meḌhī lakīreñ banī thiiñ kuchh jis meñ

    ye harf the jinheñ maiñ ne likkhā thā pahle-pahal

    aur us ko raah dikhātā huā maiñ ghar lā.ūñ

    dikhā.ūñ phir use āñgan meñ vo gulāb bel

    sunā hai jis ko usī ne kabhī lagāyā thā

    ye jab ki baat hai jab merī umr kyā thī

    nazar se guzrī thiiñ kal chaar pāñch barsāteñ

    guzar rahe the mah-o-sāl aur mausam par

    hamāre shahar meñ aatī thī ghir ke jab barsāt

    jab āsmān meñ uḌte the har taraf jugnū

    havā mauj-e-ravāñ par diye jalā.e hue

    fazā meñ raat ga.e jab daraḳht pīpal kaa!

    hazāroñ jugnuoñ se koh-e-tūr bantā thā

    hazāroñ vādī-e-aiman thiiñ jis shāḳhoñ meñ

    ye dekh kar mire dil meñ ye huuk uThtī thī

    ki maiñ bhī hotā inhīñ jugnuoñ meñ ik jugnū

    to maañ bhaTkī huī ruuh ko dikhātā raah

    vo maañ maiñ jis mohabbat ke phuul chun na sakā

    vo maañ maiñ jis se mohabbat ke bol sun na sakā

    vo maañ ki bheñch ke jis ko kabhī maiñ so na sakā

    maiñ jis ke āñchaloñ meñ muñh chhupā ke ro na sakā

    vo maañ ki ghuTnoñ se jis ke kabhī lipaT na sakā

    vo maañ ki siine se jis ke kabhī chimaT na sakā

    humak ke god meñ jis kabhī maiñ chaḌh na sakā

    maiñ zer-e-sāya-e-ummīd jis ke baḌh na sakā

    vo maañ maiñ jis se sharārat daad na sakā

    maiñ jis ke hāthoñ mohabbat maar khā na sakā

    sañvārā jis ne na mere jhanDūle bāloñ ko

    basā sakī na jo hoñToñ se suune gāloñ ko

    jo merī ā.ankhoñ meñ āñkheñ kabhī na Daal sakī

    na apne hāthoñ se mujh ko kabhī uchhāl sakī

    vo maañ jo koī kahānī mujhe sunā na sakī

    mujhe sulāne ko jo loriyāñ bhī na sakī

    vo maañ jo duudh bhī apnā mujhe pilā na sakī

    vo maañ jo haath se apne mujhe khilā na sakī

    vo maañ gale se mujhe jo kabhī lagā na sakī

    vo maañ jo dekhte mujh ko muskurā na sakī

    kabhī jo mujh se miThā.ī chhupā ke rakh na sakī

    kabhī jo mujh se dahī bhī bachā ke rakh na sakī

    maiñ jis ke haath meñ kuchh dekh kar Dahak na sakā

    paTak paTak ke kabhī paañv maiñ Thunak na sakā

    kabhī na khīñchā sharārat se jis āñchal bhī

    rachā sakī mirī ā.ankhoñ meñ jo na kājal bhī

    vo maañ jo mere liye titliyāñ pakaḌ na sakī

    jo bhāgte hue baazū mire jakaḌ na sakī

    baḌhāyā pyaar kabhī kar ke pyaar meñ na kamī

    jo muñh banā ke kisī din na mujh se ruuTh sakī

    jo ye bhī kah na sakī na bolūñgī tujh se

    jo ek baar ḳhafā bhī na ho sakī mujh se

    vo jis ko jūThā lagā muñh kabhī dikhā na sakā

    kasāfatoñ pe mirī jis ko pyaar aa na sakā

    jo miTTī khāne pe mujh ko kabhī na piiT sakī

    na haath thaam ke mujh ko kabhī ghasīT sakī

    vo maañ jo guftugū rau meñ sun ke merī baḌ

    kabhī jo pyaar se mujh ko na kah sakī ghāmaḌ

    sharāratoñ se mirī jo kabhī ulajh na sakī

    himāqatoñ mirī falsafa samajh na sakī

    vo maañ kabhī jise chauñkāne ko maiñ luk na sakā

    maiñ raah chheñkne ko jis ke aage ruk na sakā

    jo apne haath se bahrūp mere bhar na sakī

    jo apnī ā.ankhoñ ko ā.īna merā kar na sakī

    gale meñ Daalī na bāhoñ phūl-mālā bhī

    na dil meñ lauh-e-jabīñ se kiyā ujālā bhī

    vo maañ kabhī jo mujhe baddhiyāñ pahnā na sakī

    kabhī mujhe na.e kapḌoñ se jo sajā na sakī

    vo maañ na jis se laḌakpan ke jhuuT bol sakā

    na jis ke dil ke darāñ kunjiyoñ se khol sakā

    vo maañ maiñ paise bhī jis ke kabhī churā na sakā

    sazā se bachne ko jhūTī qasam bhī khā na sakā

    vo maañ ki āyat-e-rahmat hai jis chīn-e-jabīñ

    vo maañ ki haañ se bhī hotī hai baḌh ke jis nahīñ

    dam-e-itāb jo bantī farishta rahmat

    jo raag chheḌtī jhuñjhlā ke bhī mohabbat

    vo maañ ki ghuḌkiyāñ bhī jis ke giit ban jaa.eñ

    vo maañ ki jhiḌkiyāñ bhī jis phuul barsā.eñ

    vo maañ ham us se jo dam bhar ko dushmanī kar leñ

    to ye na kah sake ab aao dostī kar leñ

    kabhī jo sun na sakī merī totlī bāteñ

    jo de sakī na kabhī thappaḌoñ sauġhāteñ

    vo maañ bahut se khilaune jo mujh ko de na sakī

    ḳhirāj-e-sar-ḳhushī-e-sarmadī jo le na sakī

    vo maañ maiñ jis se laḌā.ī kabhī na Thaan sakā

    vo maañ maiñ jis pe kabhī muTThiyāñ na taan sakā

    vo merī maañ maiñ kabhī jis piiTh par na chaḌhā

    vo merī maañ kabhī kuchh jis ke kaan meñ na rakhā

    vo maañ kabhī jo mujhe kardhanī pinhā na sakī

    jo taal haath se de kar mujhe nachā na sakī

    jo mere haath se ik din davā bhī na sakī

    ki mujh ko zindagī dene meñ jaan de

    vo maañ na dekh sakā zindagī meñ jis chaah

    usī bhaTaktī huī ruuh ko dikhātā raah

    ye soch soch ke āñkheñ mirī bhar aatī thiiñ

    to ke suune bichhaune pe leT rahtā thā

    kisī se ghar meñ na raaz apne dil ke kahtā thā

    yatīm thī mirī duniyā, yatīm merī hayāt

    yatīm shām-o-sahar thii, yatīm the shab-o-roz

    yatīm merī paḌhā.ī thī mere khel yatīm

    yatīm merī masarrat thī merā ġham bhī yatīm

    yatīm āñsuoñ se takiya bhiig jaatā thā

    kisī se ghar meñ na kahtā thā apne dil bhed

    har ik se duur akelā udaas rahtā thā

    kisī shamā.il-e-nādīda ko maiñ taktā thā

    maiñ ek vahshat-e-be-nām se haḌaktā thā

    guzar rahe the mah-o-sāl aur mausam par

    isī tarah ka.ī barsāteñ aa.iiñ aur ga.iiñ

    maiñ rafta rafta pahuñchne lagā ba-sinn-e-shu.ūr

    to jugnuoñ haqīqat samajh meñ aane lagī

    ab un khilā.iyoñ aur dā.iyoñ bātoñ par

    mirā yaqīñ na rahā mujh pe ho gayā zāhir

    ki bhaTkī rūhoñ ko jugnū nahīñ dikhāte charāġh

    vo man-ghaḌat kahānī thī ik fasāna thā

    vo be-paḌhī likhī kuchh auratoñ thī bakvās

    bhaTaktī rūhoñ ko jugnū nahīñ dikhāte charāġh

    ye khul gayā mire bahlāne ko thiiñ ye bāteñ

    mirā yaqīñ na rahā in fuzūl qissoñ par

    hamāre shahar meñ aatī haiñ ab bhī barsāteñ

    hamāre shahar par ab bhī ghaTā.eñ chhātī haiñ

    hanūz bhīgī huī surma.ī fazāoñ meñ

    ḳhutūt-e-nūr banātī haiñ jugnuoñ safeñ

    fazā-e-tīra meñ uḌtī huī ye qindīleñ

    magar maiñ jaan chukā huuñ ise baḌā ho kar

    kisī ruuh ko jugnū nahīñ dikhāte raah

    kahā gayā thā jo bachpan meñ mujh se jhuuT thā sab

    magar kabhī kabhī hasrat se dil meñ kahtā huuñ

    ye jānte hue jugnū nahīñ dikhāte charāġh

    kisī bhaTaktī huī ruuh ko magar phir bhī

    vo jhuuT sahī kitnā hasīn jhuuT thā vo

    jo mujh se chhīn liyā umr ke taqāze ne

    maiñ kyā batā.ūñ vo kitnī hasīn duniyā thī

    jo baḌhtī umr ke hāthoñ ne chhīn mujh se

    samajh sake koī ai kaash ahd-e-tiflī ko

    jahān dekhnā miTTī ke ek reze ko

    numūd-e-lāla-e-ḳhud-rau meñ dekhnā jannat

    kare nazāra-e-kaunain ik gharauñde meñ

    uThā ke rakh le ḳhudā.ī ko jo hathelī par

    kare davām ko jo qaid ek lamhe meñ

    sunā? vo qādir-e-mutlaq hai ek nannhī jaan

    ḳhudā bhī sajde meñ jhuk jaa.e sāmne us ke

    ye aql-o-fahm baḌī chiiz haiñ mujhe taslīm

    magar lagā nahīñ sakte ham is andāza

    ki aadmī ko ye paḌtī haiñ kis qadar mahñgī

    ik ek kar ke vo tiflī ke har ḳhayāl maut

    bulūġh-e-sin meñ vo sadme na.e ḳhayāloñ ke

    na.e ḳhayāl dhachkā na.e ḳhayāl Tiis

    na.e tasavvuroñ karb, al-amāñ ki hayāt

    tamām zaḳhm nihāñ hai tamām nashtar hai

    ye choT khā ke sambhalnā muhāl hotā hai

    sukūt raat jis vaqt chheḌtā hai sitār

    kabhī kabhī tirī paa.el aatī hai jhankār

    to merī ā.ankhoñ se motī barasne lagte haiñ

    añdherī raat ke parchhāveñ Dasne lagte haiñ

    maiñ jugnū ban ke to tujh tak pahuñch nahīñ saktā

    jo tujh se ho sake ai maañ vo tarīqa batā

    jis ko le vo kāġhaz uchhāl duuñ kaise

    ye nazm maiñ tire qadmoñ meñ Daal duuñ kaise

    nava-e-dard se kuchh to ho gayā halkā

    magar jab aatī hai barsāt kyā karūñ is ko

    jab āsmān meñ uḌte haiñ har taraf jugnū

    sharāb-e-nūr liye sabz ābgīnoñ meñ

    kañval jalāte hue zulmatoñ ke sīnoñ meñ

    jab un tābish-e-be-sāḳhta se pīpal

    daraḳht sarv-e-charāġhāñ ko maat kartā hai

    na jaane kis liye āñkheñ mirī bhar aatī haiñ

    ye mast mast ghaTa, ye bhari bhari barsat

    tamam hadd-e-nazar tak ghulawaTon ka saman

    faza-e-sham mein Dore se paDte jate hain

    jidhar nigah karen kuchh dhuan sa uThta hai

    dahak uTha hai tarawat ki aanch se aakash

    ze-farsh ta-falak angDaiyon ka aalam hai

    ye mad-bhari hui purwaiyan sanakti hui

    jhinjhoDti hai hari Daliyon ko sard hawa

    ye shaKH-sar ke jhulon mein peng paDte hue

    ye lakhon pattiyon ka nachna ye raqs-e-nabaat

    ye be-KHudi-e-musarrat ye walihana raqs

    ye tal-sam ye chhama-chham ki kan bajte hain

    hawa ke dosh pe kuchh udi udi shaklon ki

    nashe mein chur si parchhaiyan thirakti hui

    ufuq pe Dubte din ki jhapakti hain aankhen

    KHamosh soz-e-darun se sulag rahi hai ye sham!

    mere makan ke aage hai ek chauDa sahn wasia

    kabhi wo hansta nazar aata hai kabhi wo udas

    isi ke bich mein hai ek peD pipal ka

    suna hai main ne buzurgon se ye ki umr us ki

    jo kuchh na hogi to hogi qarib chhiyanwe sal

    chhiDi thi hind mein jab pahli jang-e-azadi

    jise dabane ke baad us ko ghadr kahne lage

    ye ahl-e-hind bhi hote hain kis qadar masum

    wo dar-o-gir wo aazadi-e-watan ki jang

    watan se thi ki ghanim-e-watan se ghaddari

    biphar gae the hamare watan ke pir o jawan

    dayar-e-hind mein ran paD gaya tha chaar taraf

    usi zamane mein kahte hain mere dada ne

    jab arz-e-hind sinchi KHun se saputon ke

    miyan-e-sahn lagaya tha la ke ek pauda

    jo aab-o-atish-o-KHak-o-hawa se palta hua

    KHud apne qad se ba-josh-e-numu nikalta hua

    fusun-e-ruh banati ragon mein chalta hua

    nigah-e-shauq ke sanchon mein roz Dhalta hua

    suna hai rawiyon se didani thi us ki uThan

    har ek ke dekhte hi dekhte chaDha parwan

    wahi hai aaj ye chhitnar peD pipal ka

    wo Tahniyon ke kamanDal liye jaTadhaari

    zamana dekhe hue hai ye peD bachpan se

    rahi hai is ke liye daKHli kashish mujh mein

    raha hun dekhta chup-chap der tak us ko

    main kho gaya hun kai bar is nazare mein

    wo us ki gahri jaDen thin ki zindagi ki jaDen?

    pas-e-sukun-e-shajar koi dil dhaDakta tha

    main dekhta tha use hasti-e-bashar ki tarah

    kabhi udas kabhi shadman kabhi gambhir

    faza ka surmai rang aur ho chala gahra

    ghula ghula sa falak hai dhuan dhuan si hai sham

    hai jhuTpuTa ki koi azhdaha hai mail-e-KHwab

    sukut-e-sham mein darmandagi ka aalam hai

    ruki ruki si kisi soch mein hai mauj-e-saba

    ruki ruki si safen malgaji ghaTaon ki

    utar par hai sar-e-sahn raqs pipal ka

    wo kuchh nahin hai ab ek jumbish-e-KHafi ke siwa

    KHud apni kaifiyat-e-nil-gun mein har lahza

    ye sham Dubti jati hai chhupti jati hai

    hijab-e-waqt sire se hai be-his-o-harakat

    ruki ruki dil-e-fitrat ki dhaDkanen yak-laKHt

    ye rang-e-sham ki gardish hi aasman mein nahin

    bas ek waqfa-e-tarik, lamha-e-shahla

    sama mein jumbish-e-mubham si kuchh hui fauran

    tuli ghaTa ke tale bhige bhige patton se

    hari hari kai chingariyan si phuT paDin

    ki jaise khulti jhapakti hon be-shumar aankhen

    ajab ye aankh-micholi thi nur-o-zulmat ki

    suhani narm lawen dete an-ginat jugnu

    ghani siyah KHunuk pattiyon ke jhurmuT se

    misal-e-chadar-e-shab-tab jagmagane lage

    ki thartharaate hue aansuon se saghar-e-sham

    chhalak chhalak paDe jaise baghair san guman

    butun-e-sham mein in zinda qumqumon ki damak

    kisi ki soi hui yaad ko jagati thi

    wo be-panah ghaTa wo bhari bhari barsat

    wo scene dekh ke aankhen meri bhar aati thin

    meri hayat ne dekhi hain bis barsaten

    mere janam hi ke din mar gai thi man meri

    wo man ki shakl bhi jis man ki main na dekh saka

    jo aankh bhar ke mujhe dekh bhi saki na wo man

    main wo pisar hun jo samjha nahin ki man kya hai

    mujhe khilaiyon aur daiyon ne pala tha

    wo mujh se kahti thin jab ghir ke aati thi barsat

    jab aasman mein har su ghaTaen chhati thin

    ba-waqt-e-sham jab uDte the har taraf jugnu

    diye dikhate hain ye bhuli-bhaTki ruhon ko

    maza bhi aata tha mujh ko kuchh un ki baaton mein

    main un ki baaton mein rah rah ke kho bhi jata tha

    par is ke sath hi dil mein kasak si hoti thi

    kabhi kabhi ye kasak huk ban ke uThti thi

    yatim dil ko mere ye KHayal hota tha!

    ye sham mujh ko bana deti kash ek jugnu

    to man ki bhaTki hui ruh ko dikhata rah

    kahan kahan wo bichaari bhaTak rahi hogi

    kahan kahan meri KHatir bhaTak rahi hogi

    ye soch kar meri haalat ajib ho jati

    palak ki oT mein jugnu chamakne lagte the

    kabhi kabhi to meri hichkiyan si bandh jatin

    ki man ke pas kisi tarah main pahunch jaun

    aur us ko rah dikhata hua main ghar laun

    dikhaun apne khilaune dikhaun apni kitab

    kahun ki paDh ke suna to meri kitab mujhe

    phir is ke baad dikhaun use main wo copy

    ki teDhi-meDhi lakiren bani thin kuchh jis mein

    ye harf the jinhen main ne likkha tha pahle-pahal

    aur us ko rah dikhata hua main ghar laun

    dikhaun phir use aangan mein wo gulab ki bel

    suna hai jis ko usi ne kabhi lagaya tha

    ye jab ki baat hai jab meri umr hi kya thi

    nazar se guzri thin kal chaar panch barsaten

    guzar rahe the mah-o-sal aur mausam par

    hamare shahar mein aati thi ghir ke jab barsat

    jab aasman mein uDte the har taraf jugnu

    hawa ki mauj-e-rawan par diye jalae hue

    faza mein raat gae jab daraKHt pipal ka!

    hazaron jugnuon se koh-e-tur banta tha

    hazaron wadi-e-aiman thin jis ki shaKHon mein

    ye dekh kar mere dil mein ye huk uThti thi

    ki main bhi hota inhin jugnuon mein ek jugnu

    to man ki bhaTki hui ruh ko dikhata rah

    wo man main jis ki mohabbat ke phul chun na saka

    wo man main jis se mohabbat ke bol sun na saka

    wo man ki bhench ke jis ko kabhi main so na saka

    main jis ke aanchalon mein munh chhupa ke ro na saka

    wo man ki ghuTnon se jis ke kabhi lipaT na saka

    wo man ki sine se jis ke kabhi chimaT na saka

    humak ke god mein jis ki kabhi main chaDh na saka

    main zer-e-saya-e-ummid jis ke baDh na saka

    wo man main jis se shararat ki dad pa na saka

    main jis ke hathon mohabbat ki mar kha na saka

    sanwara jis ne na mere jhanDule baalon ko

    basa saki na jo honTon se sune galon ko

    jo meri aaankhon mein aankhen kabhi na Dal saki

    na apne hathon se mujh ko kabhi uchhaal saki

    wo man jo koi kahani mujhe suna na saki

    mujhe sulane ko jo loriyan bhi ga na saki

    wo man jo dudh bhi apna mujhe pila na saki

    wo man jo hath se apne mujhe khila na saki

    wo man gale se mujhe jo kabhi laga na saki

    wo man jo dekhte hi mujh ko muskura na saki

    kabhi jo mujh se miThai chhupa ke rakh na saki

    kabhi jo mujh se dahi bhi bacha ke rakh na saki

    main jis ke hath mein kuchh dekh kar Dahak na saka

    paTak paTak ke kabhi panw main Thunak na saka

    kabhi na khincha shararat se jis ka aanchal bhi

    racha saki meri aaankhon mein jo na kajal bhi

    wo man jo mere liye titliyan pakaD na saki

    jo bhagte hue bazu mere jakaD na saki

    baDhaya pyar kabhi kar ke pyar mein na kami

    jo munh bana ke kisi din na mujh se ruTh saki

    jo ye bhi kah na saki ja na bolungi tujh se

    jo ek bar KHafa bhi na ho saki mujh se

    wo jis ko juTha laga munh kabhi dikha na saka

    kasafaton pe meri jis ko pyar aa na saka

    jo miTTi khane pe mujh ko kabhi na piT saki

    na hath tham ke mujh ko kabhi ghasiT saki

    wo man jo guftugu ki rau mein sun ke meri baD

    kabhi jo pyar se mujh ko na kah saki ghamaD

    shararaton se meri jo kabhi ulajh na saki

    himaqaton ka meri falsafa samajh na saki

    wo man kabhi jise chaunkane ko main luk na saka

    main rah chhenkne ko jis ke aage ruk na saka

    jo apne hath se bahrup mere bhar na saki

    jo apni aaankhon ko aaina mera kar na saki

    gale mein Dali na bahon ki phul-mala bhi

    na dil mein lauh-e-jabin se kiya ujala bhi

    wo man kabhi jo mujhe baddhiyan pahna na saki

    kabhi mujhe nae kapDon se jo saja na saki

    wo man na jis se laDakpan ke jhuT bol saka

    na jis ke dil ke daran kunjiyon se khol saka

    wo man main paise bhi jis ke kabhi chura na saka

    saza se bachne ko jhuTi qasam bhi kha na saka

    wo man ki aayat-e-rahmat hai jis ki chin-e-jabin

    wo man ki han se bhi hoti hai baDh ke jis ki nahin

    dam-e-itab jo banti farishta rahmat ka

    jo rag chheDti jhunjhla ke bhi mohabbat ka

    wo man ki ghuDkiyan bhi jis ke git ban jaen

    wo man ki jhiDkiyan bhi jis ki phul barsaen

    wo man hum us se jo dam bhar ko dushmani kar len

    to ye na kah sake ab aao dosti kar len

    kabhi jo sun na saki meri totli baaten

    jo de saki na kabhi thappaDon ki saughaten

    wo man bahut se khilaune jo mujh ko de na saki

    KHiraj-e-sar-KHushi-e-sarmadi jo le na saki

    wo man main jis se laDai kabhi na Than saka

    wo man main jis pe kabhi muTThiyan na tan saka

    wo meri man main kabhi jis ki piTh par na chaDha

    wo meri man kabhi kuchh jis ke kan mein na rakha

    wo man kabhi jo mujhe kardhani pinha na saki

    jo tal hath se de kar mujhe nacha na saki

    jo mere hath se ek din dawa bhi pi na saki

    ki mujh ko zindagi dene mein jaan hi de di

    wo man na dekh saka zindagi mein jis ki chah

    usi ki bhaTakti hui ruh ko dikhata rah

    ye soch soch ke aankhen meri bhar aati thin

    to ja ke sune bichhaune pe leT rahta tha

    kisi se ghar mein na raaz apne dil ke kahta tha

    yatim thi meri duniya, yatim meri hayat

    yatim sham-o-sahar thi, yatim the shab-o-roz

    yatim meri paDhai thi mere khel yatim

    yatim meri masarrat thi mera gham bhi yatim

    yatim aansuon se takiya bhig jata tha

    kisi se ghar mein na kahta tha apne dil ka bhed

    har ek se dur akela udas rahta tha

    kisi shamail-e-nadida ko main takta tha

    main ek wahshat-e-be-nam se haDakta tha

    guzar rahe the mah-o-sal aur mausam par

    isi tarah kai barsaten aain aur gain

    main rafta rafta pahunchne laga ba-sinn-e-shuur

    to jugnuon ki haqiqat samajh mein aane lagi

    ab un khilaiyon aur daiyon ki baaton par

    mera yaqin na raha mujh pe ho gaya zahir

    ki bhaTki ruhon ko jugnu nahin dikhate charagh

    wo man-ghaDat si kahani thi ek fasana tha

    wo be-paDhi likhi kuchh auraton ki thi bakwas

    bhaTakti ruhon ko jugnu nahin dikhate charagh

    ye khul gaya mere bahlane ko thin ye baaten

    mera yaqin na raha in fuzul qisson par

    hamare shahar mein aati hain ab bhi barsaten

    hamare shahar par ab bhi ghaTaen chhati hain

    hanuz bhigi hui surmai fazaon mein

    KHutut-e-nur banati hain jugnuon ki safen

    faza-e-tira mein uDti hui ye qindilen

    magar main jaan chuka hun ise baDa ho kar

    kisi ki ruh ko jugnu nahin dikhate rah

    kaha gaya tha jo bachpan mein mujh se jhuT tha sab

    magar kabhi kabhi hasrat se dil mein kahta hun

    ye jaante hue jugnu nahin dikhate charagh

    kisi ki bhaTakti hui ruh ko magar phir bhi

    wo jhuT hi sahi kitna hasin jhuT tha wo

    jo mujh se chhin liya umr ke taqaze ne

    main kya bataun wo kitni hasin duniya thi

    jo baDhti umr ke hathon ne chhin li mujh se

    samajh sake koi ai kash ahd-e-tifli ko

    jahan dekhna miTTi ke ek reze ko

    numud-e-lala-e-KHud-rau mein dekhna jannat

    kare nazara-e-kaunain ek gharaunde mein

    uTha ke rakh le KHudai ko jo hatheli par

    kare dawam ko jo qaid ek lamhe mein

    suna? wo qadir-e-mutlaq hai ek nannhi si jaan

    KHuda bhi sajde mein jhuk jae samne us ke

    ye aql-o-fahm baDi chiz hain mujhe taslim

    magar laga nahin sakte hum is ka andaza

    ki aadmi ko ye paDti hain kis qadar mahngi

    ek ek kar ke wo tifli ke har KHayal ki maut

    bulugh-e-sin mein wo sadme nae KHayalon ke

    nae KHayal ka dhachka nae KHayal ki Tis

    nae tasawwuron ka karb, al-aman ki hayat

    tamam zaKHm nihan hai tamam nashtar hai

    ye choT kha ke sambhalna muhaal hota hai

    sukut raat ka jis waqt chheDta hai sitar

    kabhi kabhi teri pael ki aati hai jhankar

    to meri aaankhon se moti barasne lagte hain

    andheri raat ke parchhawen Dasne lagte hain

    main jugnu ban ke to tujh tak pahunch nahin sakta

    jo tujh se ho sake ai man tu wo tariqa bata

    tu jis ko pa le wo kaghaz uchhaal dun kaise

    ye nazm main tere qadmon mein Dal dun kaise

    nawa-e-dard se kuchh ji to ho gaya halka

    magar jab aati hai barsat kya karun is ko

    jab aasman mein uDte hain har taraf jugnu

    sharab-e-nur liye sabz aabginon mein

    kanwal jalate hue zulmaton ke sinon mein

    jab un ki tabish-e-be-saKHta se pipal ka

    daraKHt sarw-e-charaghan ko mat karta hai

    na jaane kis liye aankhen meri bhar aati hain

    Source:

    • Book: Gul-e-Naghma (Pg. 119)
    • Author: Firaq Gorakhpuri
    • Publication: Kitabi Duniya, Delhi-6 (2006)
    • Edition: 2006

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites