miss simin badan

Akbar Allahabadi

miss simin badan

Akbar Allahabadi

MORE BYAkbar Allahabadi

    ek mis sīmīñ badan se kar liyā london meñ aqd

    is ḳhatā par sun rahā huuñ tāna-hā-e-dil-ḳharāsh

    koī kahtā hai ki bas us ne bigāḌī nasl-e-qaum

    koī kahtā hai ki ye hai bad-ḳhisāl-o-bad-ma.āsh

    dil meñ kuchh insāf kartā nahīñ koī buzurg

    ho ke ab majbūr ḳhud is raaz ko kartā huuñ faash

    hotī thī tākīd london jaao añgrezī paḌho

    qaum-e-english se milo sīkho vahī vaz.a-e-tarāsh

    jagmagāte hoTaloñ ke nazzāra karo

    soup o karrī ke maze lo chhoḌ kar yaḳhnī o aash

    līdaroñ se mil ke dekho un ke andāz-o-tarīq

    hall meñ nācho clab meñ jaake khelo un se taash

    bāda-e-tahzīb-e-europe ke chaḌhāo ḳhum ke ḳhum

    asia ke shīsha-e-taqvā ko kar do paash paash

    jab amal is par kiyā pariyoñ saaya ho gayā

    jis se thā dil harārat ko sarāsar inte.āsh

    sāmne thiiñ leadiyāñ zehara-vash o jādū-nazar

    yaañ javānī umañg aur un ko āshiq talāsh

    us chitvan sehar-āgīñ us bāteñ dil-rubā

    chaal us fitna-ḳhez us nigāheñ barq-pāsh

    vo faroġh-e-ātish-e-ruḳh jis ke aage āftāb

    is tarah jaise ki pesh-e-sham.a parvāne laash

    jab ye sūrat thī to mumkin thā ki ik barq-e-balā

    dast-e-sīmīñ ko baḌhātī aur maiñ kahtā dūr-bāsh?

    donoñ jānib thā ragoñ meñ josh-e-ḳhūn-e-fitna-zā

    dil thā āḳhir nahīñ thī barf ye koī qaash

    baar baar aatā hai 'akbar' mere dil meñ ye ḳhayāl

    hazrat-e-sayyad se jākar arz kartā koī kaash

    'darmiyān-e-qa.ar-e-dariyā taḳhta-bandam-karda-ī

    bāz-mī-goī ki dāman-tar makun-hushyār-bāsh

    ek mis simin badan se kar liya london mein aqd

    is KHata par sun raha hun tana-ha-e-dil-KHarash

    koi kahta hai ki bas us ne bigaDi nasl-e-qaum

    koi kahta hai ki ye hai bad-KHisal-o-bad-maash

    dil mein kuchh insaf karta hi nahin koi buzurg

    ho ke ab majbur KHud is raaz ko karta hun fash

    hoti thi takid london jao angrezi paDho

    qaum-e-english se milo sikho wahi waza-e-tarash

    jagmagate hoTalon ka ja ke nazzara karo

    soup o karri ke maze lo chhoD kar yaKHni o aash

    lidaron se mil ke dekho un ke andaz-o-tariq

    hall mein nacho clab mein jake khelo un se tash

    baada-e-tahzib-e-europe ke chaDhao KHum ke KHum

    asia ke shisha-e-taqwa ko kar do pash pash

    jab amal is par kiya pariyon ka saya ho gaya

    jis se tha dil ki hararat ko sarasar inteash

    samne thin leadiyan zehara-wash o jadu-nazar

    yan jawani ki umang aur un ko aashiq ki talash

    us ki chitwan sehar-agin us ki baaten dil-ruba

    chaal us ki fitna-KHez us ki nigahen barq-pash

    wo farogh-e-atish-e-ruKH jis ke aage aaftab

    is tarah jaise ki pesh-e-shama parwane ki lash

    jab ye surat thi to mumkin tha ki ek barq-e-bala

    dast-e-simin ko baDhati aur main kahta dur-bash?

    donon jaanib tha ragon mein josh-e-KHun-e-fitna-za

    dil hi tha aaKHir nahin thi barf ki ye koi qash

    bar bar aata hai 'akbar' mere dil mein ye KHayal

    hazrat-e-sayyad se jakar arz karta koi kash

    'darmiyan-e-qar-e-dariya taKHta-bandam-karda-i

    baz-mi-goi ki daman-tar makun-hushyar-bash

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY