chaar baje

Raja Mehdi Ali Khan

chaar baje

Raja Mehdi Ali Khan

MORE BYRaja Mehdi Ali Khan

    baiThe-biThā.e ho ga.ī ghar meñ mār-kaTā.ī chaar baje

    mere buzurgoñ ne mujh ko tahzīb sikhā.ī chaar baje

    ulTī ho ga.iiñ sab tadbīreñ kuchh na duā ne kaam kiyā

    ammī aur abbā ne mil kar merā kaam tamām kiyā

    aaj mohalle-bhar meñ gūñjī merī duhā.ī chaar baje

    mere buzurgoñ ne mujh ko tahzīb sikhā.ī chaar baje

    nāhaq ham majbūroñ par ye tohmat hai muḳhtārī

    kitnī ḳhushī se ham ne apne piTne tayyārī

    saare ghar meñ ham ne kaisī dhuum machā.ī chaar baje

    mere buzurgoñ ne mujh ko tahzīb sikhā.ī chaar baje

    ham-sā.ī kyuuñ aa.ī thī tujh ko shāyad ilm nahīñ

    ye mere piTne manzar, koī achchhī film nahīñ

    merā ye 'meTnī-show' kyuuñ dekhne aa.ī chaar baje

    mere buzurgoñ ne mujh ko tahzīb sikhā.ī chaar baje

    chaa.e mez pe maiñ ne kuchh naqs nikāle food meñ the

    hā.e-rī qismat ammī abbā donoñ kuchh mood meñ the

    baiThe baiThe un ko sūjhī merī bhalā.ī chaar baje

    mere buzurgoñ ne mujh ko tahzīb sikhā.ī chaar baje

    tere hukm binā ai daatā pattā tak nahīñ hiltā hai

    maiñ to jānūñ tere dar se mujh ko sab kuchh miltā hai

    thank you thank you ne karā.ī merī Thukā.ī chaar baje

    mere buzurgoñ ne mujh ko tahzīb sikhā.ī chaar baje

    baiThe-biThae ho gai ghar mein mar-kaTai chaar baje

    mere buzurgon ne mujh ko tahzib sikhai chaar baje

    ulTi ho gain sab tadbiren kuchh na dua ne kaam kiya

    ammi aur abba ne mil kar mera kaam tamam kiya

    aaj mohalle-bhar mein gunji meri duhai chaar baje

    mere buzurgon ne mujh ko tahzib sikhai chaar baje

    nahaq hum majburon par ye tohmat hai muKHtari ki

    kitni KHushi se hum ne apne piTne ki tayyari ki

    sare ghar mein hum ne kaisi dhum machai chaar baje

    mere buzurgon ne mujh ko tahzib sikhai chaar baje

    bi ham-sai tu kyun aai thi tujh ko shayad ilm nahin

    ye mere piTne ka manzar, koi achchhi film nahin

    tu mera ye 'meTni-show' kyun dekhne aai chaar baje

    mere buzurgon ne mujh ko tahzib sikhai chaar baje

    chae ki mez pe main ne kuchh naqs nikale food mein the

    hae-ri qismat ammi abba donon hi kuchh mood mein the

    baiThe baiThe un ko sujhi meri bhalai chaar baje

    mere buzurgon ne mujh ko tahzib sikhai chaar baje

    tere hukm bina ai data patta tak nahin hilta hai

    main to jaanun tere hi dar se mujh ko sab kuchh milta hai

    thank you thank you tu ne karai meri Thukai chaar baje

    mere buzurgon ne mujh ko tahzib sikhai chaar baje

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY