aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jahan sultana paDhti thi

Sarfaraz Shahid

jahan sultana paDhti thi

Sarfaraz Shahid

MORE BYSarfaraz Shahid

    Interesting Fact

    (aKHtar shiiraanii kii ruuh se ma.azirat ke saath)

    vo is college shahzādī thī aur shāhāna paḌhtī thī

    vo be-bākāna aatī thī vo be-bākāna paḌhtī thī

    baḌe mushkil sabaq the jin ko vo rozāna paḌhtī thī

    vo laḌkī thī magar mazmūn sab mardāna paḌhtī thī

    yahī college hai vo hamdam jahāñ sultāna paḌhtī thī

    clāssoñ meñ hamesha der se vo aayā kartī thī

    kitāboñ ke tale filmī risāle laayā kartī thī

    vo jab daurān-e-lecture bor ho jaayā kartī thī

    to chupke se koī tāza-tarīn afsāna paḌhtī thī

    yahī college hai vo hamdam jahāñ sultāna paḌhtī thī

    kitābeñ dekh kar kuḌhtī thī mahv-e-yās hotī thī

    ba-qaul us ke kitāboñ meñ nirī bakvās hotī thī

    ta.ajjub hai ki vo har saal kaise paas hotī thī

    jo ''illam'' ilm ko maulānā ko ''malvāna'' paḌhtī thī

    yahī college hai vo hamdam jahāñ sultāna paḌhtī thī

    baḌī mash.hūr thī college meñ charchā aam thā us

    javānoñ ke diloñ se khelnā bas kaam thā us

    yahāñ college meñ paḌhnā to barā.e-nām thā us

    ki vo āzād laḌkī thī vo āzādāna paḌhtī thī

    yahī college hai vo hamdam jahāñ sultāna paḌhtī thī

    ajab andāz ke ushshāq the us hiir ke maame

    khaḌe rahte the phāTak par ka.ī mājhe ka.ī gaame

    jo us ke naam par karte the jhagḌe aur hañgāme

    vo us tūfān meñ rahtī thī tūfānāna paḌhtī thī

    yahī college hai vo hamdam jahāñ sultāna paḌhtī thī

    vo sultāna magar pahlī sultāna nahīñ yaaro

    sunā hai koī bhī ab us dīvāna nahīñ yaaro

    koī is sham.a-e-ḳhākistar parvāna nahīñ yaaro

    ḳhud afsāna banī baiThī hai jo afsāna paḌhtī thī

    yahī college hai vo hamdam jahāñ sultāna paḌhtī thī

    wo is college ki shahzadi thi aur shahana paDhti thi

    wo be-bakana aati thi wo be-bakana paDhti thi

    baDe mushkil sabaq the jin ko wo rozana paDhti thi

    wo laDki thi magar mazmun sab mardana paDhti thi

    yahi college hai wo hamdam jahan sultana paDhti thi

    classon mein hamesha der se wo aaya karti thi

    kitabon ke tale filmi risale laya karti thi

    wo jab dauran-e-lecture bor si ho jaya karti thi

    to chupke se koi taza-tarin afsana paDhti thi

    yahi college hai wo hamdam jahan sultana paDhti thi

    kitaben dekh kar kuDhti thi mahw-e-yas hoti thi

    ba-qaul us ke kitabon mein niri bakwas hoti thi

    tajjub hai ki wo har sal kaise pas hoti thi

    jo illam ilm ko maulana ko malwana paDhti thi

    yahi college hai wo hamdam jahan sultana paDhti thi

    baDi mashhur thi college mein charcha aam tha us ka

    jawanon ke dilon se khelna bas kaam tha us ka

    yahan college mein paDhna to barae-nam tha us ka

    ki wo aazad laDki thi wo aazadana paDhti thi

    yahi college hai wo hamdam jahan sultana paDhti thi

    ajab andaz ke ushshaq the us hir ke mame

    khaDe rahte the phaTak par kai majhe kai game

    jo us ke nam par karte the jhagDe aur hangame

    wo us tufan mein rahti thi tufanana paDhti thi

    yahi college hai wo hamdam jahan sultana paDhti thi

    wo sultana magar pahli si sultana nahin yaro

    suna hai koi bhi ab us ka diwana nahin yaro

    koi is shama-e-KHakistar ka parwana nahin yaro

    KHud afsana bani baiThi hai jo afsana paDhti thi

    yahi college hai wo hamdam jahan sultana paDhti thi

    Source:

      Dish antenna (Pg. 173)

    • Author: Sarfaraaz Shahid
      • Edition: 2010
      • Publisher: Dost Publications Islamabaad
      • Year of Publication: 2010

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now