mushir

Habib Jalib

mushir

Habib Jalib

MORE BY Habib Jalib

    maiñ ne us se ye kahā

    ye jo das karoḌ haiñ

    jahl nichoḌ haiñ

    un fikr so ga.ī

    har umiid kiran

    zulmatoñ meñ kho ga.ī

    ye ḳhabar durust hai

    un maut ho ga.ī

    be-shu.ūr log haiñ

    zindagī rog haiñ

    aur tere paas hai

    un ke dard davā

    maiñ ne us se ye kahā

    ḳhudā nuur hai

    aql hai shu.ūr hai

    qaum tere saath hai

    tere vajūd se

    mulk najāt hai

    hai mahr-e-sub.h-e-nau

    tere ba.ad raat hai

    bolte jo chand haiñ

    sab ye shar-pasand haiñ

    un khīñch le zabāñ

    un ghoñT de galā

    maiñ ne us se ye kahā

    jin ko thā zabāñ pe naaz

    chup haiñ vo zabāñ-darāz

    chain hai samāj meñ

    be-misāl farq hai

    kal meñ aur aaj meñ

    apne ḳharch par haiñ qaid

    log tere raaj meñ

    aadmī hai vo baḌā

    dar pe jo rahe paḌā

    jo panāh maañg le

    us baḳhsh de ḳhatā

    maiñ ne us se ye kahā

    har vazīr har safīr

    be-nazīr hai mushīr

    vaah kyā javāb hai

    tere zehn qasam

    ḳhuub intiḳhāb hai

    jāgtī hai afsarī

    qaum mahv-e-ḳhvāb hai

    ye tirā vazīr-ḳhāñ

    de rahā hai jo bayāñ

    paḌh ke un ko har koī

    kah rahā hai marhabā

    maiñ ne us se ye kahā

    chiin apnā yaar hai

    us pe jāñ-nisār hai

    par vahāñ hai jo nizām

    us taraf na jā.iyo

    us ko duur se salām

    das karoḌ ye gad.he

    jin naam hai avaam

    kyā baneñge hukmarāñ

    ''yaqīñ'' hai ye ''gumāñ''

    apnī to duā hai ye

    sadr rahe sadā

    maiñ ne us se ye kahā

    main ne us se ye kaha

    ye jo das karoD hain

    jahl ka nichoD hain

    un ki fikr so gai

    har umid ki kiran

    zulmaton mein kho gai

    ye KHabar durust hai

    un ki maut ho gai

    be-shuur log hain

    zindagi ka rog hain

    aur tere pas hai

    un ke dard ki dawa

    main ne us se ye kaha

    tu KHuda ka nur hai

    aql hai shuur hai

    qaum tere sath hai

    tere hi wajud se

    mulk ki najat hai

    tu hai mahr-e-subh-e-nau

    tere baad raat hai

    bolte jo chand hain

    sab ye shar-pasand hain

    un ki khinch le zaban

    un ka ghonT de gala

    main ne us se ye kaha

    jin ko tha zaban pe naz

    chup hain wo zaban-daraaz

    chain hai samaj mein

    be-misal farq hai

    kal mein aur aaj mein

    apne KHarch par hain qaid

    log tere raj mein

    aadmi hai wo baDa

    dar pe jo rahe paDa

    jo panah mang le

    us ki baKHsh de KHata

    main ne us se ye kaha

    har wazir har safir

    be-nazir hai mushir

    wah kya jawab hai

    tere zehn ki qasam

    KHub intiKHab hai

    jagti hai afsari

    qaum mahw-e-KHwab hai

    ye tera wazir-KHan

    de raha hai jo bayan

    paDh ke un ko har koi

    kah raha hai marhaba

    main ne us se ye kaha

    chin apna yar hai

    us pe jaan-nisar hai

    par wahan hai jo nizam

    us taraf na jaiyo

    us ko dur se salam

    das karoD ye gadhe

    jin ka nam hai awam

    kya banenge hukmaran

    tu yaqin hai ye guman

    apni to dua hai ye

    sadr tu rahe sada

    main ne us se ye kaha

    Videos
    This video is playing from YouTube

    Videos
    This video is playing from YouTube

    Unknown

    Unknown

    Habib Jalib

    Habib Jalib

    RECITATIONS

    Habib Jalib

    Habib Jalib

    Habib Jalib

    mushir Habib Jalib

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY