nind se pahle

Saleem Ahmed

nind se pahle

Saleem Ahmed

MORE BYSaleem Ahmed

    ek din shaam ko bāzār meñ chalte-phirte

    sansanāhaT huī saare badan meñ mere

    saañs bhārī huā siine meñ aTak kar aayā

    kuchh qadam aur chalā hūñgā ki chakkar aayā

    phir mujhe yaad nahīñ kaise havā.eñ badlīñ

    vaqt bāzār samāñ aur fazā.eñ badlīñ

    jaane kyuuñ dekh ke bāzār ko Dar aane lagā

    be-zarar chīzoñ se bhī ḳhauf-e-zarar aane lagā

    jaane kyā aañkh ko bin dekhe nazar aatā thā

    ek ek uzv-e-badan ḳhauf se tharrātā thā

    jism qaabū meñ na thā siine meñ dil aTkā thā

    paañv rakhtā thā kahīñ aur kahīñ paḌtā thā

    habs mahsūs huā ThanDā pasīna Tapkā

    chaḌh gayā zehn pe dhund aur dhuveñ bhapkā

    chalnā kaisā ki ghisaTtā huā ghar meñ aayā

    mujh se do chaar qadam aage thā merā saaya

    kaisā saaya ki har ik lamha badaltā jaa.e

    dam-ba-dam ek na.ī shakl meñ Dhaltā jaa.e

    kabhī simTe kabhī phaile kabhī sahme kāñpe

    kabhī reñge kabhī dauḌe kabhī ruk kar hāñpe

    mujh ko yuuñ lagtā thā maiñ jaan rahā huuñ ḳhud ko

    us har shakl meñ pahchān rahā huuñ ḳhud ko

    Darte Darte jo qadam aur baḌhā.e maiñ ne

    vahshat-e-rūh ke sāmāñ na.e paa.e maiñ ne

    be-sabab har dar-o-dīvār ko barham dekhā

    balb meñ chashm-e-ġhazabnāk aalam dekhā

    kaisī āvāz chalī aatī hai ghar-ghar ghar-ghar

    aañkh uThā.ūñ to balā naach rahī hai sar par

    haath kursī ne achānak mirī jānib phailā.e

    maiñ jo palTā idhar mez ne bhī paañv baḌhā.e

    ḳhud-ba-ḳhud jūtoñ meñ harakat huī moze bhāge

    kulbulāte hue kiiḌe the kishan ke taage

    sarsarāhaT yakāyak huī parde ke qarīb

    saañp reñg rahā thā mire takiye ke qarīb

    band ghaḌiyāl meñ bajne lage ik-dam baara

    qahqaha mujh pe havāoñ ne achānak maarā

    baiThnā chāhā to sofoñ ne dabā kar bhīñchā

    bhāgnā chāhā to pardoñ ne pakaḌ kar khīñchā

    phir zarā der meñ jaise ki ye sab kuchh bhī na thā

    dil ko vahshat thī pa vahshat sabab kuchh bhī na thā

    ek din sham ko bazar mein chalte-phirte

    sansanahaT si hui sare badan mein mere

    sans bhaari hua sine mein aTak kar aaya

    kuchh qadam aur chala hunga ki chakkar aaya

    phir mujhe yaad nahin kaise hawaen badlin

    waqt bazar saman aur fazaen badlin

    jaane kyun dekh ke bazar ko Dar aane laga

    be-zarar chizon se bhi KHauf-e-zarar aane laga

    jaane kya aankh ko bin dekhe nazar aata tha

    ek ek uzw-e-badan KHauf se tharraata tha

    jism qabu mein na tha sine mein dil aTka tha

    panw rakhta tha kahin aur kahin paDta tha

    habs mahsus hua ThanDa pasina Tapka

    chaDh gaya zehn pe dhund aur dhuwen ka bhapka

    chalna kaisa ki ghisaTta hua ghar mein aaya

    mujh se do chaar qadam aage tha mera saya

    kaisa saya ki har ek lamha badalta jae

    dam-ba-dam ek nai shakl mein Dhalta jae

    kabhi simTe kabhi phaile kabhi sahme kanpe

    kabhi renge kabhi dauDe kabhi ruk kar hanpe

    mujh ko yun lagta tha main jaan raha hun KHud ko

    us ki har shakl mein pahchan raha hun KHud ko

    Darte Darte jo qadam aur baDhae main ne

    wahshat-e-ruh ke saman nae pae main ne

    be-sabab har dar-o-diwar ko barham dekha

    balb mein chashm-e-ghazabnak ka aalam dekha

    kaisi aawaz chali aati hai ghar-ghar ghar-ghar

    aankh uThaun to bala nach rahi hai sar par

    hath kursi ne achanak meri jaanib phailae

    main jo palTa idhar mez ne bhi panw baDhae

    KHud-ba-KHud juton mein harakat hui moze bhage

    kulbulate hue kiDe the kishan ke tage

    sarsarahaT si yakayak hui parde ke qarib

    sanp sa reng raha tha mere takiye ke qarib

    band ghaDiyal mein bajne lage ik-dam bara

    qahqaha mujh pe hawaon ne achanak mara

    baiThna chaha to sofon ne daba kar bhincha

    bhagna chaha to pardon ne pakaD kar khincha

    phir zara der mein jaise ki ye sab kuchh bhi na tha

    dil ko wahshat thi pa wahshat ka sabab kuchh bhi na tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY