parchhaiyan

Firaq Gorakhpuri

parchhaiyan

Firaq Gorakhpuri

MORE BY Firaq Gorakhpuri

    1

    ye shaam ik ā.īna-e-nīl-gūñ ye nam ye mahak

    ye manzaroñ jhalak khet baaġh dariyā gaañv

    vo kuchh sulagte hue kuchh sulagne vaale alaav

    siyāhiyoñ dabe-pāñv āsmāñ se nuzūl

    laToñ ko khol de jis tarah shaam devī

    purāne vaqt ke bargad ye udaas jaTā.eñ

    qarīb o duur ye go dhuul ubhartī ghaTā.eñ

    ye kā.enāt Thahrāo ye athāh sukūt

    ye nīm-tīrah fazā roz-e-garm tābūt

    dhuāñ dhuāñ zamīñ hai ghulā ghulā falak

    2

    ye chāñdnī ye havā.eñ ye shāḳh-e-gul lachak

    ye daur-e-bāda ye sāz-e-ḳhamosh fitrat ke

    sunā.ī dene lagī jagmagāte sīnoñ meñ

    diloñ ke nāzuk o shaffāf ābgīnoñ meñ

    tire ḳhayāl paḌtī huī kiran khanak

    3

    ye raat chhantī havāoñ soñdhī soñdhī mahak

    ye khet kartī huī chāñdnī narm damak

    sugandh raat raanī jab machaltī hai

    fazā meñ rūh-e-tarab karvaTeñ badaltī hai

    ye ruup sar se qadam tak hasīn jaise gunāh

    ye ārizoñ damak ye fusūn-e-chashm-e-siyāh

    ye dhaj na de jo ajantā san.atoñ ko panāh

    ye siina paḌ ga.ī dev lok bhī nigāh

    ye sar-zamīn se ākāsh parastish-gāh

    utārte haiñ tirī aartī sitāra o maah

    sajal badan bayāñ kis tarah ho kaifiyyat

    sarasvatī ke bajāte hue sitār gat

    jamāl-e-yār tire gulsitāñ rah rah ke

    jabīn-e-nāz tirī kahkashāñ rah rah ke

    diloñ meñ ā.īna-dar-ā.īna suhānī jhalak

    4

    ye chhab ye ruup ye joban ye saj ye dhaj ye lahak

    chamakte tāroñ kirnoñ narm narm phuvār

    ye rasmasāte badan uThān aur ye ubhār

    fazā ke ā.īna meñ jaise lahlahā.e bahār

    ye be-qarār ye be-iḳhtiyār josh-e-numūd

    ki jaise nuur favvāra ho shafaq-ālūd

    ye jalve paikar-e-shab-tāb ke ye bazm-e-shohūd

    ye mastiyāñ ki mai-e-sāf-o-durd sab be-būd

    ḳhajil ho lāl-e-yaman uzv uzv vo Dalak

    5

    bas ik sitāra-e-shiñgaraf jabīñ pe jhamak

    vo chaal jis se labālab gulābiyāñ chhalkeñ

    sakūñ-numā ḳham-e-abru ye adh-khulīñ palkeñ

    har ik nigāh se aiman bijliyāñ lapkeñ

    ye aañkh jis meñ ka.ī āsmāñ dikhā.ī paḌeñ

    uḌā deñ hosh vo kānoñ saada saada laveñ

    ghaTā.eñ vajd meñ aa.eñ ye gesuoñ laTak

    6

    ye kaif-o-rañg-e-nazāra ye bijliyoñ lapak

    ki jaise krishn se rādhā aañkh ishāre kare

    vo shoḳh ishāre ki rabbāniyat bhī jaa.e jhapak

    jamāl sar se qadam tak tamām sho.ala hai

    sukūn jumbish o ram tak tamām sho.ala hai

    magar vo sho.ala ki āñkhoñ meñ Daal de ThanDak

    7

    ye raat niiñd meñ Duube hue se haiñ dīpak

    fazā meñ bujh ga.e uḌ uḌ ke jugnuoñ ke sharār

    kuchh aur tāroñ āñkhoñ baḌh chalā hai ḳhumār

    fasurda chhiTkī huī chāñdnī dhundlā ġhubār

    ye bhīgī bhīgī ūdāhaT ye bhīgā bhīgā nuur

    ki jaise chashma-e-zulmāt meñ jale kāfūr

    ye Dhaltī raat sitāroñ ke qalb ye gudāz

    ḳhunuk fazā meñ tirā shabnamī tabassum-e-nāz

    jhalak jamāl ta.abīr ḳhvāb ā.īna-sāz

    jahāñ se jism ko dekheñ tamām nāz-o-niyāz

    jahāñ nigāh Thahar jaa.e rāz-andar-rāz

    sukūt-e-nīm-shabī lahlahe badan nikhār

    ki jaise niiñd vaadī meñ jāgtā sansār

    hai bazm-e-māh ki parchhā.iyoñ bastī hai

    fazā oT se vo ḳhāmushī barastī hai

    ki buuñd buuñd se paidā ho gosh o dil meñ khanak

    8

    kisī ḳhayāl meñ hai ġharq chāñdnī chamak

    havā.eñ niiñd ke khetoñ se jaise aatī hoñ

    hayāt o maut meñ sargoshiyāñ hotī haiñ

    karoḌoñ saal ke jaage sitāre nam-dīda

    siyāh gesuoñ ke saañp nīm-ḳhvābīda

    ye pichhlī raat ye rag rag meñ narm narm kasak

    1

    ye sham ek aaina-e-nil-gun ye nam ye mahak

    ye manzaron ki jhalak khet bagh dariya ganw

    wo kuchh sulagte hue kuchh sulagne wale alaw

    siyahiyon ka dabe-panw aasman se nuzul

    laTon ko khol de jis tarah sham ki dewi

    purane waqt ke bargad ki ye udas jaTaen

    qarib o dur ye go dhul ki ubharti ghaTaen

    ye kaenat ka Thahrao ye athah sukut

    ye nim-tirah faza roz-e-garm ka tabut

    dhuan dhuan si zamin hai ghula ghula sa falak

    2

    ye chandni ye hawaen ye shaKH-e-gul ki lachak

    ye daur-e-baada ye saz-e-KHamosh fitrat ke

    sunai dene lagi jagmagate sinon mein

    dilon ke nazuk o shaffaf aabginon mein

    tere KHayal ki paDti hui kiran ki khanak

    3

    ye raat chhanti hawaon ki sondhi sondhi mahak

    ye khet karti hui chandni ki narm damak

    sugandh raat ki rani ki jab machalti hai

    faza mein ruh-e-tarab karwaTen badalti hai

    ye rup sar se qadam tak hasin jaise gunah

    ye aarizon ki damak ye fusun-e-chashm-e-siyah

    ye dhaj na de jo ajanta ki sanaton ko panah

    ye sina paD hi gai dew lok ki bhi nigah

    ye sar-zamin se aakash ki parastish-gah

    utarte hain teri aarti sitara o mah

    sajal badan ki bayan kis tarah ho kaifiyyat

    saraswati ke bajate hue sitar ki gat

    jamal-e-yar tere gulsitan ki rah rah ke

    jabin-e-naz teri kahkashan ki rah rah ke

    dilon mein aaina-dar-aina suhani jhalak

    4

    ye chhab ye rup ye joban ye saj ye dhaj ye lahak

    chamakte taron ki kirnon ki narm narm phuwar

    ye rasmasate badan ka uThan aur ye ubhaar

    faza ke aaina mein jaise lahlahae bahaar

    ye be-qarar ye be-iKHtiyar josh-e-numud

    ki jaise nur ka fawwara ho shafaq-alud

    ye jalwe paikar-e-shab-tab ke ye bazm-e-shohud

    ye mastiyan ki mai-e-saf-o-durd sab be-bud

    KHajil ho lal-e-yaman uzw uzw ki wo Dalak

    5

    bas ek sitara-e-shingaraf ki jabin pe jhamak

    wo chaal jis se labaalab gulabiyan chhalken

    sakun-numa KHam-e-abru ye adh-khulin palken

    har ek nigah se aiman ki bijliyan lapken

    ye aankh jis mein kai aasman dikhai paDen

    uDa den hosh wo kanon ki sada sada lawen

    ghaTaen wajd mein aaen ye gesuon ki laTak

    6

    ye kaif-o-rang-e-nazara ye bijliyon ki lapak

    ki jaise krishn se radha ki aankh ishaare kare

    wo shoKH ishaare ki rabbaniyat bhi jae jhapak

    jamal sar se qadam tak tamam shoala hai

    sukun jumbish o ram tak tamam shoala hai

    magar wo shoala ki aankhon mein Dal de ThanDak

    7

    ye raat nind mein Dube hue se hain dipak

    faza mein bujh gae uD uD ke jugnuon ke sharar

    kuchh aur taron ki aankhon ka baDh chala hai KHumar

    fasurda chhiTki hui chandni ka dhundla ghubar

    ye bhigi bhigi udahaT ye bhiga bhiga nur

    ki jaise chashma-e-zulmat mein jale kafur

    ye Dhalti raat sitaron ke qalb ka ye gudaz

    KHunuk faza mein tera shabnami tabassum-e-naz

    jhalak jamal ki tabir KHwab aaina-saz

    jahan se jism ko dekhen tamam naz-o-niyaz

    jahan nigah Thahar jae raaz-andar-raaz

    sukut-e-nim-shabi lahlahe badan ka nikhaar

    ki jaise nind ki wadi mein jagta sansar

    hai bazm-e-mah ki parchhaiyon ki basti hai

    faza ki oT se wo KHamushi barasti hai

    ki bund bund se paida ho gosh o dil mein khanak

    8

    kisi KHayal mein hai gharq chandni ki chamak

    hawaen nind ke kheton se jaise aati hon

    hayat o maut mein sargoshiyan si hoti hain

    karoDon sal ke jage sitare nam-dida

    siyah gesuon ke sanp nim-KHwabida

    ye pichhli raat ye rag rag mein narm narm kasak

    Source:

    • Book : Gul-e-Naghma (Pg. 133)
    • Author :  Firaq Gorakhpuri
    • Publication : Maktaba Farogh-e-urdu Matia Mahal Jama Masjid Delhi (2006)
    • Edition : 2006
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY