sae ka iztirab

Sarwat Zehra

sae ka iztirab

Sarwat Zehra

MORE BYSarwat Zehra

    aaj tum tak pahuñch kar

    tumhārī āñkhoñ ke ā.īnoñ meñ jhāñk kar

    ḳhud ko TaTolā

    to mālūm huā ki

    merā jism to tum tak aate aate

    kahīñ biich raste meñ gum ho gayā thā

    merā dil!!

    kisī aur siine meñ dabā diyā gayā thā

    mire hoñT

    surḳhiyoñ tahoñ ke nīche

    paḌe paḌe siyāh ho chuke the

    merī ḳhushbū

    jo maiñ tumhāre liye rahī thī

    kisī pichhle jhoñke ne

    apne jism meñ Taañk thī

    merā ḳhvāb

    apnī raat kokh meñ

    ġhalatī se kisī aur ke liye

    sub.h pahlā harf rakh chukā thā

    mere qalam raushnā.ī ko

    lafz ek samundar chukā thā

    aur merī āñkhoñ putliyoñ meñ nāchtī raushnī

    kisī sarāb se dostī ho chukī thī

    aur ab vo shāyad isī ke saath bah rahī hai

    so ab tumhārī āñkhoñ ke ā.īnoñ meñ

    maiñ nahīñ

    sirf ek saa.e iztirāb

    Doltā nazar aa rahā hai

    aaj tum tak pahunch kar

    tumhaari aankhon ke aainon mein jhank kar

    KHud ko TaTola

    to malum hua ki

    mera jism to tum tak aate aate

    kahin bich raste mein gum ho gaya tha

    mera dil!!

    kisi aur sine mein daba diya gaya tha

    mere honT

    surKHiyon ki tahon ke niche

    paDe paDe siyah ho chuke the

    meri KHushbu

    jo main tumhaare liye la rahi thi

    kisi pichhle jhonke ne

    apne jism mein Tank li thi

    mera KHwab

    apni raat ki kokh mein

    ghalati se kisi aur ke liye

    subh ka pahla harf rakh chuka tha

    mere qalam ki raushnai ko

    lafz ka ek samundar pi chuka tha

    aur meri aankhon ki putliyon mein nachti raushni ki

    kisi sarab se dosti ho chuki thi

    aur ab wo shayad isi ke sath bah rahi hai

    so ab tumhaari aankhon ke aainon mein

    main nahin

    sirf ek sae ka iztirab

    Dolta nazar aa raha hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY