aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sal-e-nau

Ali Sardar Jafri

sal-e-nau

Ali Sardar Jafri

MORE BYAli Sardar Jafri

    ye kis ne phone pe sāl-e-nau tahniyat mujh ko

    tamannā raqs kartī hai taḳhayyul gungunātā hai

    tasavvur ik na.e ehsās jannat meñ le aayā

    nigāhoñ meñ koī rañgīn chehra muskurātā hai

    jabīñ chhūT paḌtī hai falak ke māh-pāroñ par

    ziyā phailī huī hai saarā aalam jagmagātā hai

    shafaq ke nuur se raushan haiñ mehrābeñ fazāoñ

    surayyā jabīñ zohra aariz timtimātā hai

    purāne saal ThiThurī huī parchhā.iyāñ simTīñ

    na.e din nayā sūraj ufuq par uThtā aatā hai

    zamīñ ne phir na.e sar se nayā raḳht-e-safar bāñdhā

    ḳhushī meñ har qadam par āftāb āñkheñ bichhātā hai

    hazāroñ ḳhvāhisheñ añgḌā.iyāñ letī haiñ siine meñ

    jahān-e-ārzū zarra zarra gungunātā hai

    umīdeñ Daal kar āñkhoñ meñ āñkheñ muskurātī haiñ

    zamāna jumbish-e-mizhgāñ se afsāne sunātā hai

    masarrat ke javāñ mallāh kashtī le ke nikle haiñ

    ġhamoñ ke nā-ḳhudāoñ safīna Dagmagātā hai

    ḳhushī mujh ko bhī hai lekin maiñ ye mahsūs kartā huuñ

    masarrat ke is ā.īñe meñ ġham bhī jhilmilātā hai

    hamāre daur-e-mahkūmī muddat ghaTtī jaatī hai

    ġhulāmī ke zamāne meñ izāfa hotā jaatā hai

    yahī andāz gar baaqī haiñ apnī sust-gāmī ke

    na jaane aur kitne saal ā.eñge ġhulāmī ke

    ye kis ne phone pe di sal-e-nau ki tahniyat mujh ko

    tamanna raqs karti hai taKHayyul gungunata hai

    tasawwur ek nae ehsas ki jannat mein le aaya

    nigahon mein koi rangin chehra muskuraata hai

    jabin ki chhuT paDti hai falak ke mah-paron par

    ziya phaili hui hai sara aalam jagmagata hai

    shafaq ke nur se raushan hain mehraben fazaon ki

    surayya ki jabin zohra ka aariz timtimata hai

    purane sal ki ThiThuri hui parchhaiyan simTin

    nae din ka naya suraj ufuq par uThta aata hai

    zamin ne phir nae sar se naya raKHt-e-safar bandha

    KHushi mein har qadam par aaftab aankhen bichhata hai

    hazaron KHwahishen angDaiyan leti hain sine mein

    jahan-e-arzu ka zarra zarra gungunata hai

    umiden Dal kar aankhon mein aankhen muskuraati hain

    zamana jumbish-e-mizhgan se afsane sunata hai

    masarrat ke jawan mallah kashti le ke nikle hain

    ghamon ke na-KHudaon ka safina Dagmagata hai

    KHushi mujh ko bhi hai lekin main ye mahsus karta hun

    masarrat ke is aaine mein gham bhi jhilmilata hai

    hamare daur-e-mahkumi ki muddat ghaTti jati hai

    ghulami ke zamane mein izafa hota jata hai

    yahi andaz gar baqi hain apni sust-gami ke

    na jaane aur kitne sal aaenge ghulami ke

    Source:

    Kulliyat-e-Ali Sardar Jafri(Vol-I) (Pg. 75)

    • Author: Ali Ahmad Fatma
      • Edition: 2004
      • Publisher: Qaumi Council Barai Farog Urdu Zaban New Delhi
      • Year of Publication: 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now